Бүгүҥҥү туругунан уустук балаһыанньалаах нэһилиэнньэлээх пууннарынан Бэс Күөлэ, Орто Сурт, Таастаах, Кырыкый, Мэлдьэхси, Бээрийэ, Ытык Күөл, Ударник, Өргөлөөх, Үөдэй, уонна Фрунзе буолаллар. Бу сэлиэнньэлэргэ ааспыт сууккаҕа, ол эбэтэр атырдьах ыйын 13 күнүгэр, Арассыыйа ЫБММ авиацията алта эриэйси оҥордо, уопсайа 108 киһини көтөр аалынан таста.
Ойуур баһаардарын умуруорууга эбии икки Бе-200 амфибия-сөмөлүөт кэллэ. Ил Дархан Айсен Николаев: “14 нэһилиэнньэлээх пууҥҥа үлэ өссө күүһүрдэ. Мииринэйтэн кэлбит ЫБММ байыастара Горнай, Нам, Уус Алдан улуустарыгар үлэлиэхтэрэ. Хабаровскайтан, Приморскайтан кэлбит байыастарга суһал бөлөх тэриллиэҕэ”. Өрөспүүбүлүкэҕэ ойуур баһаардарын умуруорар үлэни сүрүннүүргэ Арассыыйа Ыксаллаах быһыы-майгы министиэристибэтэ ылыста. Миниистир Евгений Зиничев солбуйааччыта аҕыйах күҥҥэ хаалан үлэлиирэ билиннэ.
Санатан эттэххэ, билигин Саха сиригэр 172 ойуур баһаара баар. Баһаары умуруорууга 4,8 киһи уонна 766 тиэхиньикэ үлэлиир.
- 0
- 0
- 0
- 0
- 0
- 0