Бу иэдээн барыбытын сомоҕолоото. Доброволецтар, көмөлөһө кэлбит байыастар, олохтоох нэһилиэнньэ -- бары биир дьыала туһугар табаарыстыы буоллулар. Ааппытын да билсибэккэ, ким туох сололооҕор-дуоһунастааҕар да наадыйбакка, бары лаппаакы, эрбии тутаммыт, бу суоһуур кутталы суох оҥорорго турунан үлэлээтибит”, -- диэн кэпсиир Ил Түмэн хомуньуустарын фракциятын чилиэнэ Вячеслав Макаров.
Баартыйа хомуньуустара, хомсомуоллара этэрээт тэринэн, хас да күн баһаарга сылдьыбыттар. Олор истэригэр бааллар – Ил Түмэн икки дьокутаата Иннокентий Романов уонна Вячеслав Макаров, ону тэҥэ ыччат лиидэрдэрэ Дмитрий Шарипов, Егор Коржов. Михаил Сидоров, Андрей Карнилов Намҥа, Марк Аммосов Горнайга, Корепанова Нина, Иван Бобиев уопсастыбаннай суһал ыстаапка көмөлөспүттэр.
-
0
-
0
-
0
-
0
-
0
-
0
