Мэҥэ Хаҥалас сиринэн, Чаачыгыйынан, Чороҥуттанан, Араҥастааҕынан уот төһө сиэбитин, хайдах туруктаах сытарын билээри квадрокоптер көтүттүлэр. "Аһаҕас уот суох, биллэ намыраабыт, айылҕа көмөлөһөн өссө ардах түстэр умуллуо эбит", - диир Михаил Гуляев.
Салгыы Тулаттан кэлбит МЧС этэрээтин, Дьокуускай куораттан сылдьар Доброволецтар бөлөхтөрүн көрүстүлэр. Уолаттар күннэри-түүннэри уочараттаан харабыллыылларын, үлэ тэрээһинэ үчүгэйин бэлиэтииллэр. Араҥастаахха баар үүтээн хаһаайына Петр Варламов бастакы күннэргэ холоотоххо арыый уоскуйбуттарын, салалта өттүттэн болҕомто уурулларын, Мугудайдар эрэ буолбакка аттынааҕы нэһилиэктэр олохтоохторо көмөлүспүттэрин үөрэ кэпсээтэ.
Түмүккэ норуот депутата Михаил Гуляев Мугудайдар түмсүүлээх буоларбытын ааһан эрэр сайын көрдөрдө диэн астынан бэлиэтээтэ. Дойдутун дьонугар, бары үлэлээбиттэргэ, өрөспүүбүлүкэ, улуус салалтатыгар, ыаллыы нэһилиэктэргэ, СӨ Доброволецтарын штабыгар барҕа махталын тириэртэ. Үүнэр күннэргэ ардах түһэн, баһаар умуллан, хас биирдиибит кыстыкка бэлэмнэнии үлэтигэр үктэниэхпит этэ диэн санаатын үллэһиннэ.
Доброволецтар хамаандалара. Норуоттар икки ардыларынааҕы Арктика оскуолатын учууталлара кэлэн көмөлөһө сылдьаллар.
Тулатааҕы быыһыыр киин сэбилэниигэ салайааччытын солбуйааччы - техническэй чаас салайааччыта, подполковник Староверов Михаил Александровичтыын.
Доброволецтары кытта.
Чебоксар куораттан сылдьар доброволец Илья Обносов.
Араҥастаахха.
Светлана Диодорова-Лаврентьева
-
0
-
0
-
0
-
0
-
0
-
0
