Нэһилиэккэ аан бастакынан Алексей уонна Екатерина Саввиннар дьиэлэрэ тутуллан бүппүтэ. Тутууну атырдьах ыйын 20 күнүттэн саҕалаан баран, ый курдугунан түмүктээбиттэрэ. Саввиннарга күлүүһү Ил Дархан Айсен Николаев балаҕан ыйын 28 күнүгэр туттарбыта.
Бары билэрбит курдук, быйыл күһүн атырдьах ыйын 7 күнүгэр Горнай Бэс Күөлүгэр ойуур баһаара 30-тан тахса дьон олорор дьиэтин, биир оччо хаһаайыстыбаннай тутууну күл-көмөр оҥорбута. 20 чыыһылаттан умайбыт дьиэлэр оннуларыгар саҥа дьиэлэри тутуу саҕаламмыта.
Бэс Күөлгэ үлэ-хамнас күөстүү оргуйар. Былаан быһыытынан, дьиэлэри барытын алтынньы 15 күнүгэр тутан бүтэриэхтээхтэр.
-
0
-
0
-
0
-
0
-
0
-
0
