Дойду сорох губернатордара «демилитаризации и денацификации Украины» диэн байыаннай операцияны ыытар туһунан РФ Бэрэсидьиэнэ Владимир Путин ылыммыт быһаарыытын өйүүллэрин туһунан этиннилэр. Новосибирскай уобалас губернатора Андрей Травников дьокутааттарын иннигэр мунньахха, тыл этиитин РФ Бэрэсидьиэнэ Владимир Путин олунньу 24 күнүгэр бар дьоҥҥо туһаайбыт этиититтэн быһа тардан ааҕан иһитиннэрдэ. Эрэгийиэн баһылыга парламентарийдарга махталын биллэрдэ: «Украина барар событиелар аан дойду уонна биһиги олохпутун уларытыаҕа», - диэтэ. Итини тэҥэ кини эрэгийиэн бырабыыталыстыбата муҥутуур кыаҕынан үлэлиэҕэ диэн эрэннэрдэ.
Нижегородскай губернатора Глеб Никитин эмиэ парламент иннигэр тыл эттэ. «Билиҥҥи буола турар түгэннэр Арассыыйа, Украина уонна аан дойду хас биирдии гражданиныгар дьиҥ-чахчы дьоһун суолталаах», - диэтэ. «Биһиги дойду ылыммыт хайысхатын тула түмсүөхтээхпит уонна араас бырайыактары билиһиннэриэхтээхпит. Фроҥҥа - снарядтар, манна - бырайыактар», - диэн дьокутааттарга чопчулаата .
Саратовскай уобалас баһылыга Валерий Радаев Бэрэсидьиэн туһаайан эппит этиитин быһааран: «Эрэгийиэннээҕи былаас норуоту өйүүргэ туһуламмыт Бэрэсидьиэн быһаарыытын, хардыыларын дьоһуннаахтык өйөөтө», - диэтэ. Радаев этэринэн: «Аҕыс сыл устата быраабтара кэһиллибит дьоҥҥо көмөнү оҥорор эбээһинэстээхпит».
Севастополь баһылыга Михаил Развожаев: «Күн бүгүн дойдуга туора туран хаалар дьон суох кэриэтэ – кинилэр бары биир киһи курдук Бэрэсидьиэммит ылыммыт быһаарыытын өйүүллэр». Кини эмиэ бэйэтин эрэгийиэнин олохтоохторугар спецоперация «түргэнник уонна таһаарыылаахтык ыытыллыаҕа» диэн эрэлин биллэрдэ.
Бу иннинэ СӨ Ил Дархана Айсен Николаев Бэрэсидьиэн Ыйааҕын ырытарыгар, «дойду көмүскэлэ уонна Арассыыйа кыраныыссаларыгар эйэни хааччыйыы — ытык иэспит» буоларын бэлиэтээбитэ.
-
0
-
0
-
0
-
0
-
0
-
0
