Бу күннэргэ Бырабыыталыстыба бэрэссэдээтэлин бастакы солбуйааччы Кирилл Бычков салайааччылаах өрөспүүбүлүкэ дэлэгээссийэтэ үлэ чэрчитинэн Ираҥҥа сылдьар. Дойду киин куоратыгар, Тегераҥҥа, салалтаны, министиэристибэлэри кытта көрүстүлэр. Тыа хаһаайыстыбатыгар, IT-технологияҕа, үөрэххэ, билимҥэ, култуураҕа, успуорка хардарыта сибээһи олохтуур туһунан кэпсэттилэр. Тегеран куоракка Атыы-эргиэн, бырамыысаланнас палаататыгар Саха сирин инвестиционнай кыаҕын (потенциалын) презентациянан көрдөрдүлэр. Мунньахха дойду отуттан тахса тэрилтэтэ кытынна.
Маны таһынан дэлэгээссийэ Иран бырамыысаланнаһын киинигэр - Исфахаҥҥа - сылдьар былааннаах. Атыыга-эргиэҥҥэ бырамыысаланнаска сибээһи олохтуохтара, киин үлэтин-хамнаһын кытта сиһилии билсэр былааннаахтар.
-
0
-
0
-
0
-
0
-
0
-
0
