Ол курдук Дьокуускайга 23 тыһыынча киһи куоластаабыт, Мииринэй оройуонугар -- 9688 киһи, Нерюнгри оройуонугар -- 9585 киһи, Мэҥэ Хаҥаласка -- 7617 киһи, Ньурба улууһугар -- 6154 киһи куоластарын биэрбиттэр.
Бу күҥҥэ Дьокуускай куорат куоластыыр учаастактарыгар үлэ-хамнас хайдах бара турарын ыйытаары Сайсаар уокуругун 699№-дээх учаастагын бэрэссэдээтэлин солбуйааччытыгар Мария Даниловаҕа тахса сырыттым. Кини кылгастык билиһиннэрдэ:
-- Биһиги 699№-дээх Дьокуускайдааҕы территориальнай куоластыыр учаастакпытыгар Сайсаар уокуругун олохтоохторо кэлэн куоластарын биэрэллэр. Учаастакка 12 киһи үлэлиир, солбуйсабыт. Сарсыарда 8 ч.-14 ч. диэри биир бөлөх, 14 ч. – 20 ч. диэри иккис бөлөх үлэлиир. Холобур, бэҕэһээҥҥи күҥҥэ 75 киһи кэлэн куоластаабыта. Ордук аҕа саастаах дьон көхтөөхтүк кэлэр. Эдэр ыччат эмиэ аһыллыбыт күммүтүттэн кэлэн куоластыыр. Кэлбит дьону температураларын кээмэйдиибит, харыстанар сириэстибэлэри биэрэбит. Бэй ыйын 25 күнтэн уопсайа 300 тахса киһи куоластаата.
-
0
-
0
-
0
-
0
-
0
-
0
