– Биһиги, Дьааҥы улууһун агрооскуолаларын бэрэстэбиитэллэрэ, маннык улахан тэрээһиҥҥэ бастакы сырыыбыт буолла. Быыстапка бастакы күнүттэн саҕалаан олус интэриэһинэй быыстапкалары көрдүбүт, дириҥ ис хоһоонноох мунньахтары иһиттибит. Элбэх саҥаны биллибит.
Дьиҥинэн биһиги даҕаны син үлэлиибит, бородууксуйа оҥоробут. Ол иһин: «Хайдах гыннахпытына, Аартыка агрооскуолалара бу маннык тэрээһиҥҥэ кыттыыны ылыахпытый? Хайдах гыннахпытына, оҕолорбут оҥорон таһаарар бородууксуйалара, үлэлэрэ киэҥ көрүүгэ тахсан сыананалыай?» – диэн бэйэбитигэр ыйытыы бэриннибит итиэннэ «Аартыкаҕа оҥоһуллубут» – диэн брендинэн кыттыахпытын сөп эбит диэн санааҕа кэллибит.
Улахан махталбытын тириэрдиэ этибит улууспут баһылыгар Иванов Владислав Михайловичка, улуустааҕы тыа хаһаайыстыбатын управлениетын салайааччы, улуус дьокутаата Ефимова Кэскил Степановнаҕа үс агрооскуола бэрэстэбиитэллэригэр кэлэр-барар айаны уйунан, маннык интэриэһинэй тэрээһиҥҥэ сылдьан, илэ хараҕынан көрөн-истэн кэлэр кыаҕы биэрбиттэрин иһин, – диэтэ Зинаида Стручкова.
Хаартыска: Кэскил Ефимова.
-
0
-
0
-
0
-
0
-
0
-
0
