Ил Түмэн Дьиэ кэргэҥҥэ уонна оҕо аймах дьыалатыгар сис кэмитиэтин бэрэссэдээтэлэ Алена Атласова бэйэтин санаатын эттэ:
- Дьиэ кэргэни өйөөһүҥҥэ туттуллар үп-харчы кээмэйэ биллэрдик улаатта. Биир кэлим босуобуйа төрөөрү сылдьар дьахталлартан саҕалаан, оскуола оҕолоругар тиийэ төлөнөр. Бүтэhик уон сыл иhигэр дьиэ кэргэттэргэ элбэх кѳмѳ оңоhулунна, онтон быйыл биир кэлим босуобуйа киирдэ.
Бэрэсидьиэн ити сыалга көрүллэр бүддьүөт өлүүтэ хаһааҥҥытааҕар да түргэн тэтиминэн эбиллэн иһэрин бэлиэтээтэ. Олунньу ыйтан ийэ хапытаала 11,10 % үрдүөҕэ. Ону таһынан, Анал этиигэ этиллибитинэн, икки оҕолоох ыал дьиэлэрин атыылаатахтарына, нолуоктан босхолонуохтара.
Үөрэххэ уонна эмтэниигэ нолуок харчытын төннөрүү кээмэйэ улаатыаҕа. Холобур, оҕону үөрэттэрэргэ 50 тыһ.солк. – 100 тыһ. солк., эмтэниигэ 120 тыһ. солк. – 150 тыһ. солк. диэри улаатыаҕа, — диэн эттэ Алена Николаевна.
-
2
-
0
-
0
-
0
-
0
-
0
