- Барыллаан куоластааһыҥҥа улахан интэриэс үөскээбитин көрдүбүт. Парламеннарга ортотунан биир миэстэҕэ 7,5 хандьыдаат туруоруммута. Лидердэр — Ульяновскай уобалас – 15, Ивановскай уобалас - 12, Архангельскай уонна Иркутскай уобаластарга – 10 киһи, — диэн баартыйа генеральнай Сэбиэтин сэкирэтээрэ Сергей Перминов эттэ. Быйыл куоластааһын аан бастакытын Донецкай уонна Луганскай Норуодунай Өрөспүүбүлүкэлэргэ, Запорожскай уонна Херсонскай уобаластарга ыытыллынна.
Биллэр биричиинэнэн интэриниэт сибээһэ мөлтөҕүнэн, көһө сылдьар учаастактарынан, пууннарынан куоластааһын эмиэ тэрилиннэ. ДНӨ баһылыга Денис Пушилин этэринэн, өрөспүүбүлүкэҕэ 207 тыһ. тахса киһи куоластаата. Оттон баартыйа Луганскай отделын сэкирэтээрэ, ЛНӨ норуодунай Сэбиэтин бэрэссэдээтэлэ Денис Мирошниченко өрөспүүбүлүкэҕэ 160 тыһ. кэриҥэ киһи куоластаабытын туһунан эттэ. Ол иһигэр онлайн - 42 тыһ. киһи.
Электроннай барыллаан куоластааһыҥҥа куолаһы ааҕыы түмүктэннэ. Саҥа эрэгийиэннэринэн көһө сылдьар учаастактарынан куоластааһын түмүгүн таһаарыы, ону тэҥэ олохтоох салайыныы уорганнарыгар электроннай куоластааһын түмүгүн таһаарыы салҕанар. Бүтэһиктээх түмүгү эрэгийиэннээҕи тэрийэр кэмитиэттэр бигэргэтэн таһаарыахтара, ол кэннэ түмүгү «Биир ньыгыл Арассыыйа» баартыйатын генеральнай Сэбиэтэ бигэргэтиэҕэ.
Санатан эттэххэ, электроннай барыллаан куоластааһын ыам ыйын 22-28 күннэригэр ыытыллыбыта. Быыбардааччылар PG.ER.RU саайка ыам ыйын 26 күнүгэр диэри «Госуслуги» портал нөҥүө бигэргэтиини ааспыттара.
Быйыл балаҕан ыйын 10 күнүгэр – Биир кэлим куоластааһын күнүгэр Арассыыйа 23 эрэгийиэнигэр баһылыктары, ол иһигэр Москуба куорат мэрин талыахтара. Ону сэргэ, былырыын Арассыыйа састаабыгар холбоспут Запорожскай, Херсонскай уобаластар, ДНӨ уонна ЛНӨ баһылыктарын талыахтара. Итини таһынан, РФ 20 субъегын олохтоохторо Госдумаҕа эрэгийиэннээҕи дьокутааттарын, итини таһынан Симферополлааҕы биир мандааттах куоластыыр уокурукка Госдумаҕа эбии дьокутааты талыахтара.
Быыбарга бэлэмнэнии саҕаланна.
-
1
-
0
-
0
-
0
-
0
-
0
