Бу иннинэ Киин быыбардыыр хамыыһыйа чилиэнэ, РФКП баартыйа бэрэстэбиитэлэ Евгений Колюшин баартыйа секретариатыгар бүлүтүөҥҥэ түөрт эрэ хандьыдаат баар буолуоҕа диэн итэҕэппитэ.
- Хамыыһыйа официальнай быһаарыыны ылына илик. Ити Евгений Колюшин бэйэтин баҕа санаата. Билигин хандьыдааттар бэрэстэбиитэллэрин кытта түмүктээх илии баттааһыннарын хомуйуута бэрэбиэркэлэнэр, - диэтэ Элла Памфилова.
Быыбардыыр хамыыһыйа буолаары турар дойду Бэрэсидьиэнин быыбарыгар түөрт хандьыдааты регистрациялаата: Леонид Слуцкай (ЛДПР), Николай Харитонов (РФКП), Владислав Даванков («Новые люди») уонна Владимир Путин (бэйэ туруорунуу). Билиҥҥи кэмҥэ Борис Надеждин («Гражданскай инициатива») уонна Сергей Малинкович («Россия коммунистара») дьылҕалара быһаарылла илик - илии баттааһыннары хомуйуу бэрэбиэркэлэнэр. Ону тэҥэ бэйэ туруоруммут хандьыдааттар Рада Русских уонна Анатолий Баташевка регистрацияланарга аккаас быһаарыы ылылла илик.
Быыбар иннинээҕи хампаанньа официальнайдык 2024 с. олунньу 24 күнүттэн саҕаланыаҕа уонна кулун тутар 15 күнүгэр диэри ыытыллыаҕа. Куоластааһын кулун тутар 17-19 күннэригэр буолуоҕа. Билиҥҥи туругунан куоластааһыҥҥа сөбүлэҥ ылбыт быыбардааччылар ахсааннара 114 мөл. киһиэхэ тэҥнэстэ. Мантан 1,9 мөл. киһи кыраныысса таһыгар олороллор.
-
0
-
0
-
0
-
0
-
0
-
0
