Ол эбэтэр, улуус уопсай быыбардааччытын 31,83 %-а куоластаабыт. Быыбар аайы бастакынан куоластыыр киһини ыйыппыппар, Мараказов дии түстүлэр. Онон, сибээс кэлэ-кэлэ сүтэрин кэтэһэн, Муома улууһун Сэбиэтин үс ыҥырыыга дьокутаата, икки кэнники ыҥырыыга Сэбиэт бэрэссэдээтэлэ, Муома улууһун 33 №-дээх баһаары утары охсуһар судаарыстыбаннай сулууспатын начаалынньыга Серафим Мараказовка төлөпүөннээн, дьэ, тиийдим.
-- Мин эрдэ куоластыыр идэбинэн, бастакынан учаастакпар тиийэн, кэлэр алта сылга Арассыыйа Бэрэсидьиэнигэр турбут бэйэм хандьытааппар куоласпын биэрдим. Биһиэхэ бириэмэбит икки чаас эрдэлиир буолан, ханнык да хотугу улуустардааҕар эрдэ куоластыыбыт. Бастакынан, дьокутааттар, онтон баһаарынайдар эбэтэр хардары-таары кэлэн куоластыыр үгэстээхпит. Билиҥҥи туругунан улуус дьокутааттара уонна баһаарынайдара 100 % куоластаатыбыт, -- диэн иһитиннэрдэ Серафим Николаевич.
Ыраах сытар Сааһыырга, Буор Сыһыыга аҕа ууһун общиналарын табаһыттара итиэннэ чуум үлэһиттэрэ эрдэ куоластаабыттар. “Мобильнай куоластааччы” аныгы технологияны туһанан, балыыһаҕа көрдөрүнээччилэр, ыраах айан суоппардара, командировкаҕа, уоппускаҕа сылдьааччылар бэйэлэрин гражданскай иэстэрин толорбуттар.
-
3
-
0
-
0
-
0
-
0
-
0
