Ыспыраапка: Андрей Владимирович Тарасенко
1963 сыл атырдьах ыйын 9 күнүгэр Владивостокка төрөөбүт.
1985 сыллаахха Ленинград куоракка Ленин хомсомуолун аатынан уу аннынан устуу муоратааҕы байыаннай үрдүкү училищены бүтэрбит. 1994 сылга диэри ССРС уонна РФ сэбилэниилээх күүстэригэр сулууспалаабыт.
1997 сыл балаҕан ыйыттан 2000 сыл тохсунньутугар диэри “Вестморепродукт” САУо салайааччытынан үлэлээбит.
2000 сыл тохсунньутуттан 2003 сыл сэтинньитигэр диэри “Национальные рыбные ресурсы” федеральнай унитарнай тэрилтэ генеральнай дириэктэринэн үлэлээбит.
2002 сыллаахха РФ Бэрисэдьиэнин иһинэн Арассыыйа судаарыстыбаннай сулууспатын академиятын үөрэнэн бүтэрбит. “Судаарыстыбаннай уонна муниципальнай сулууспа” диэн идэни баһылаабыт уонна “менеджер” квалификациятын ылбыт.
2003 сыллаахха Москубатааҕы судаарыстыбаннай социальнай университетка хандьыдаат диссертациятын көмүскээбит.
2004 сыл тохсунньутуттан 2005 сыл бэс ыйыгар диэри “Мурманский морской рыбный порт” федеральнай унитарнай тэрилтэ дириэктэрин эбээһинэстэрин толорбут.
2005 сыл от ыйыттан 2007 сыл бэс ыйыгар диэри РФ Счетнай палаататын айылҕаны туһаныыга уонна агропромышленнай комплексын департаменын уу түөлбэлэригэр уонна балык ресурсаларыгар федеральнай бүддьүөт ороскуотун хонтуруоллуур инспекция начальнигын солбуйааччытынан үлэлээбит.
2006 сыллаахха Арассыыйа судаарыстыбаннай социальнай университетыгар “бухгалтерский учет, анализ и аудит” диэн идэни баһылаабыт уонна “экэнэмиис” квалификациятын ылбыт.
2007 сыл бэс ыйыттан атырдьах ыйыгар диэри “Государственный ордена Трудового Красного Знамени научно-исследовательский институт химических реактивов и особо чистых химических веществ” федеральнай судаарыстыбаннай унитарнай тэрилтэ дириэктэрин бастакы солбуйааччытынан үлэлээбит.
2007 сыл ахсынньы ыйыттан 2008 сыл муус устарыгар диэри атом эниэргийэтин федеральнай аҕыаныстыбатын дьыалалары салайыыга уонна административнай хааччыйыыга начальнигын солбуйааччытынан үлэлээбит.
2008 сыл муус устар ыйыттан 2010 сыл олунньутугар диэри “Росатом” судаарыстыбаннай корпорация дьыалалары салайыыга уонна баайын-дуолун комплексатын департаменын дириэктэрин солбуйааччытынан үлэлээбит.
2009 сыллаахха Улуу Бүөтүр аатынан РВСН байыаннай академиятын акмеологияҕа уонна кибернетикаҕа кафедратын бэрэпиэссэрин учуонай аата иҥэриллибит.
2010 сыллааха уйулҕа билимин дуоктарын учуонай истиэпэнэ иҥэриллибит. 2010 сыл ахсынньы ыйыттан 2012 сыл тохсунньутугар диэри “Россельхозбаан” ААУо кылаабынай экэнэмииһиттэн саҕалаан бырабылыанньа бэрэссэдээтэлин солбуйааччытын сүбэһитин дуоһунастарыгар үлэлии сылдьыбыт.
2012 сыл кулун тутар ыйыттан 2013 сыл бэс ыйыгар диэри Уу ресурсаларын федеральнай аҕыаныстыбатын Невско-Ладожскай уу түөлбэтин управлениетыгар салайааччы солбуйааччытынан уонна салайааччынан үлэлээбит.
2013 сыл от ыйыттан балаҕан ыйыгар диэри “Росморпорт” ФГУТ генеральнай дириэктэрин солбуйааччынан, 2013 сыл балаҕан ыйын 11 күнүттэн генеральнай дириэктэринэн ананан үлэлээбит.
2017 сыл алтынньы 4 күнүттэн 2018 сыл балаҕан ыйын 28 күнүгэр диэри Приморскай край отставкаҕа барбыт губернаторын эбээһинэстэрин толорбут.
2018 сыл балаҕан ыйын 27 күнүттэн РФ Бырабыытылыстыбатын дьаһалынан Муора уонна өрүс тырааныспарын федеральнай аҕыаныстыбатын салайааччытын солбуйааччытын эбээһинэстэрин толоро сылдьыбыт.
-
0
-
0
-
0
-
0
-
0
-
0
