Бэлиитикэ

Холобура, Үөһээ Бүлүү улууһун баһылыга Валерий Николаев дойду Бэрэсидьиэнэ Владимир Путин  быһа биэриитин кэнниттэн   бэйэтин телеграм-ханаалыгар сэҥээрбит сүрүн этиилэрин түмэн таһаарбытын билсиһиннэриэххэ сөп. 

Дойду Бэрэсидьиэнин В.В. Путин быһа биэриититтэн:

 -Владимир Путин дойду экономиката  4% үрдүөн сөбүн эттэ. 

-Россияҕа 2024 сылга хамнас 9% үрдээбитин  иһитиннэрдэ.

 -Владимир Путин быһа эфирга байыастар бэлэхтээбит Морской пехота 155-с бригадатын бойобуой бэлиэтин көрдөрдө.

 -Владимир Путин анал байыаннай дьайыыга бойобуой быһыы-майгы тосту уларыйан эрэрин эттэ. Фронт бары линиятынан хамсааһын күн аайы барарын биллэрдэ. Маны тэҥэ Владимир Путин билигин сэриигэ сылдьар байыастарга табыллыыны, кыайыыны уонна дойдуларыгар төннүүнү баҕарда.  

-Биһиги байыастарбыт дойду территориятын, сирин квадратнай километр иэнинэн күннэтэ төннөрөллөрүн эттэ. Маны сэргэ, Курской уобаласка барыта чөлүгэр түһүө, оҥоһуллуо диэн киирбит ыйытыыга эппиэти биэрдэ. 

- Курскай уобаласка сулууспалыы сылдьар байыастар, байыаннайдар бойобуой дьайыы кыттыылаахтара буолалларын бигэргэттэ. Уонна кинилэр анал байыаннай дьайыы кыттыылаахтара диэн категорияҕа киириэхтээхтэрин, ананыллар төлөбүрдэри ылыахтаахтарын эттэ. Бары байыастар анаммыт харчыларын тутуохтара диэн туоһулаата.Бу байыаннай сулууспалааччыларга төлөбүрдэр кэннинээҥҥи чыыһыланнан төлөнүөхтэрэ диэн эттэ. 

-Владимир Путин «Орешник» диэн ракета российскай оҥоһуулааҕын уонна аныгылыы саҥа сэрии сэбэ буоларын бэлиэтээтэ.Маны тэҥэ, Владимир Путин "Орешник" оҥоһуутун түмүк быһаарыытын бэйэтэ ылыммытын этиннэ.

 -Владимир Путин ядернай сэрии сэптээх тас дойдулар уонна кинилэргэ кыттыгастаахтар Россияҕа кутталлаах түгэни үөскэтэр буоллахтарына ядернай сэрии сэбин туттарга бырааптаахпыт диэн эттэ. 

-Владимир Путин Арктика зонатын сайыннарыы туһунан: "Биһиги арктикаҕа 2% льготалаах ипотеканы хааллардыбыт, бэлиэтээн эттэххэ дьон бу льготаннан үчүгэйдик туһанар.  Тустаах нэһилиэнньэлэргэ анал бырагырааммалары оҥоробут уонна бу бырагырааммалары 200 куоракка тиийэ элбэтэр былааннаахпыт. Салгыы кыра нэһилиэнньэлээх куораттарга тугу гыныахха сөбүн көрүөхпүт". 

-Владимир Путин: "Хайаан даҕаны улахан хампаанньыйалар уонна сорох былаас уорганнара регионнарга көһөллөрүгэр үлэни ыытары салҕыахпыт".  

-Владимир Путин саҥа Россияҕа киирбит территориялары чөлүгэр түһэриигэ регионнар киллэрэр кылааттарын бэлиэтээтэ.Дойду Президиэнэ 21 тыһыынча эбийиэкт чөлүгэр түһэриллибитин уонна бу эбийиэктэр аҥаардарын регионнар үбүлээтилэр диэн эттэ.    

-Владимир Путин: "Россияҕа демография улаатыыта 1,41% диэри түстэ. Биһиги төрүөх коэффициенын 2,3% диэри үрдэтиэхтээхпит. Оҕолоох дьиэ кэргэҥҥэ көрүллэр пособия Россияҕа көдьүүстээхтик дьайар. Бу посуобуйаны Россияҕа 10 мөл. оҕо, 320 хат дьахтар ылар." 

-Владимир Путин:"Биһиги дэҥҥэ көстөр саҥа айыыбыт буолар -  сыл аайы эбиллэ турар Ийэ хапытаала. 6 % дьиэ кэргэн ипотеката оннунан хаалар." 

-Владимир Путин элбэх оҕолоох ыалларга көмө туһунан: "Биһиги НДФЛ нолуогун хат аахсаммыт, дьиэ кэргэн төлөөбүт нолуогуттан 7% төннүннэриэхтээхпит." 

• Владимир Путин:"Төрүөх коэффициена 1,41% кыра регионнарга туспа анал бырагыраамма оҥоһуллуоҕа. Бу бырагыраамма чэрчитинэн уопсайа 75 млрд. солкуобай кэлэр сылларга үбүлэниэҕэ." 
• -БРИКС туһунан:"Онно кыра, улахан, сайдыылаах, сайдыыта суох судаарыстыбалар суохтар. Онно баар - интириэһинэн түмсүү. Интириэспит барыбытыгар биир - сайдыы. 
• -Владимир Путин Россия уонна Кытай доҕордоһуутун туһунан: Бүтэһик уонунан сылларга Кытай уонна Россия сыһыана хаһан да буолбатаҕын курдук билигин чугас буолла. Бу бастатан туран, бэйэ бэйэҕэ эрэнииттэн тутулуктаах. ??Владимир Путин атын дойдулартан көһүү боппуруоһун туһунан:"Россияҕа миграция боппуруоһа сытыытык турар. Ол эрэн Европаҕа бу боппуруос өссө сытыы. Миграннар ахсааннарын кыччатарга бэйэбит дойдубут иһигэр үлэ оҥорумтуотун улаатыннарыахтаахпыт." ??Владимир Путин:"Бэрээдэки олохтуур уорганнар миграннар Россия култууратын, үгэһин ытыктыылларын көрүөхтээхтэр." Владимир Путин нуучча тылын билбэт миграннар оҕолорун оскуолаҕа ылары бобор сокуону өйөөтө. 
• Владимир Путин:"Дьиэ кэргэн ипотекатыгар хааччах суох буолуохтаах. Бу боппуруоска бэрээдэги олохтуохпут". 
• Владимир Путин:"Россияҕа ааспыт сылга тутуллубут олорор дьиэ иэнэ 110 мөл. кв. м. буолла — бу Сэбиэскэй Союз кэмиттэн рекорд олохтонно." 
• Владимир Путин льготалаах ИТ-ипотеканы сабар наадата суоҕун эттэ.Владимир Путин Россияҕа льготалаах ипотекалар:- Оҕолоох дьиэ кэргэн ипотеката- ИТ исписэлиистэрин ипотеката- Уһук Илин регион, Арктика уонна саҥа киирбит территориялар  олохтоохторун ипотекатахаалалларын бигэргээтэ. 
• Владимир Путин:"Түөкүттэр албынынан дьонтон харчы уоруулара, кредит ылааһыннара олус элбээтэ. Бааннар харчы иэс биэриэх иннигэр бу ылар киһи төлүүр кыахтааҕын булгуччу бэрибиэркэлиэхтээхтэр.Төлөппүөн түөкүннэригэр кыттыгастаах дьону эппиэтинэскэ тардыыны күүһүрдүөххэ наада. Онлайн, бэрибиэркэтэ суох кредиты 50 тыһыынча солкуобайга эрэ тиийэ бэриллиэхтээх. Онтон улахан сууммалаах кредиты хас да чаас, ол эбэтэр хас да күн бэрибиэркэлиэхтээхтэр"
• Владимир Путин:"Россия эйэ сүбэлэҥин Украина сокуоннай бырааптаах салалтатын эрэ кытта баттаһыаҕа. Москва Зеленскайы кытта кэпсэтии ыытарга бэлэм, ол эрэн кини быыбар нөҥүө талылыннаҕына, сокуоннай быраабар киирдэҕинэ."
•  Владимир Путин:"Россияҕа түргэн интернеты сайыннарыы бырагыраамма тохтоло суох үлэлиэҕэ. Ыраахтан, дьиэттэн үлэлиир, үөрэнэр дьон элбээн иһэр. Онон түргэн интернет сүрүн суолталаах."  
• Владимир Путин: "Тыа хаһаайыстыбата - Россия экономикатын сүрүн салаата буолар. Россияҕа тыа хаһаайыстыбата үчүгэй тиэмпэлээхтик, сылга 3% сайдар."
• Владимир Путин тыа хаһаайыстыбатын инники каадырдарын туһунан:"Судаарыстыба тыа хаһаайыстыбатын салаатыгар абитуриеннары сыһыарыа." 
• Владимир Путин: "Доруобуйа харыстабылын маҥнайгы звенотугар каадыр сүрүн кыһалҕата турар. Аан бастакытын билигин биһиги кэнники сылларга доруобуйа харыстабылын эйгэтигэр 17,5 тыһыынча исписэлиис эбиллиитин кэтиибит." 
• Владимир Путин:"2030 сылга Россия 90% медицинскэй эминэн, 40% медицинэ тэрилинэн бэйэни хааччыйыыга тиийиэхтээх."
•  Владимин Путин босхо эмп тиийбэтин туһунан:"Бары ирдэнэр эмтэргэ үп толору кэриҥинэн көрүллэр. Босхо эми ылыы кыһалҕата атыылаһааһыны (торгу) тэрийээһинтэн, кэмигэр быһаарыллыахтаах үлэттэн тутулуктаах. Босхо эмп нэһилиэнньэҕэ тиийэригэр тустаах үлэ барыта кэмигэр оҥоһуллуохтаах."  
• Владимир Путин 2022 сыл олунньу ыйыгар анал байыаннай дьайыы саҕаламмыт түгэнин туһунан:"2022 сыл олунньу ыйыгар ылыллыбыт быһаарыныыны эрдэ ылыахтаах этибит." 
• Владимир Путин Словакияҕа Европа куораттарын энергетика эбийиэктэрин каарталаах украинскай диверсаннары туппуттарын туһунан спецслужбалартан ылбыт биэриитин иһитиннэрдэ. 
• Владимир Путин:"Украина байыаннай сулууспата кэхтэн эрэр, онтон Россия армията иннин диэки барар". 
• Владимир Путин фронтан байыастар дьиэлэригэр төннө иликтэринэ, демография кыһалҕата быһаарылла илигинэ, онтон да атын былаан туола илигинэ бэйэтин дьоллооҕунан ааҕымматын этиннэ. 
• "Россияны бэйэм дьиэ кэргэним, Россия олохтоохторун барыларын бэйэм чугас дьонум курдук ааҕабын. Кэлэн иһэр үтүө бырааһынньыктарга, Саҥа дьылга, Ороһооспоҕо оҕолоргутугар улахан болҕомтону уурун", - диэн этиитинэн Владимир Путин быһа биэриитин түмүктээтэ #Путин 
• T. me/ValeriNikolaev
• Хаартыска pnp.ru  cаайтан