Кини үс сис кэмитиэккэ дьокутаат быһыытынан үлэлиир: урбааҥҥа уонна туризмҥа сис кэмитиэккэ бэрэссэдээтэл солбуйааччыта, онтон тыа сиригэр уонна аграрнай бэлиитикэҕэ, итиэннэ ыччакка, физическэй култуураҕа уонна успуорка сис кэмитиэккэ чилиэн.
19 сокуон барылыттан 5-һэ ылылынна
2024 с. иһигэр фракция 6 мунньаҕы тэрийэн ыытта, өрөспүүбүлүкэ 19 сокуонун барылын бэлэмнээн киллэрдэ, 6 сокуону көҕүлээтэ, онтон 5-һэ бүтэһик ааҕыыга ылыныллыбыта.
1. «Саха Өрөспүүбүлүкэтигэр кыра уонна орто урбаан сайдыытын туһунан» өрөспүүбүлүкэ сокуонун 6 уонна 38 ыстатыйаларыгар көннөрүүлэри киллэрэр 2742-З № -дээх сокуон 2024 с. ыам ыйын 21 күнүгэр тахсыбыта.
2. «Саха Өрөспүүбүлүкэтигэр урбаанньыттар бырааптарын көмүскүүргэ боломуочуйалаах туһунан» сокуоҥҥа уларытыылары киллэрэр 2706-З № 87-VII сокуон 2024 с. кулун тутар 18 күнүгэр тахсыбыта.
3. «Саха Өрөспүүбүлүкэтигэр итирдэр утаҕы атыылыырга көрүллэр усулуобуйаҕа, миэстэҕэ эбии хааччаҕы киллэрэргэ» өрөспүүбүлүкэ 2777-З № 235-VII сокуонугар 2024 с. сэтинньи 27 күнүгэр 2.1. ыстатыйаҕа уларытыылары киллэрбиттэрэ.
4. «Саха Өрөспүүбүлүкэтигэр кыра уонна орто урбаан сайдыытын туһунан» өрөспүүбүлүкэ сокуонугар уларытыылары киллэрэр сокуон ылыныллыбыта.
5. «Гражданнар референдумҥа кытталларыгар быыбардыыр бырааптарын олоххо киллэрэргэ Саха Өрөспүүбүлүкэтин сокуонун кэккэ аакталарыгар уларытыылары киллэрии» туһунан сокуон.
Бүддьүөккэ киирбит уларытыылар
Өрөспүүбүлүкэ судаарыстыбаннай бүддьүөтүн 2025 с. уонна кэлэр 2026 уонна 2027 сылларга оҥоһуллубут Саха Өрөспүүбүлүкэтин сокуонун барылын көрөргө «Саҥа дьоннор» маннык кэккэ уларытыылары киллэрбиттэрэ ылылынна:
«Тыа хаһаайыстыбатын сайыннарыы, тыа хаһаайыстыбатын бородууксуйатын, сырье уонна ас-үөл ырыынагын» бэрээдэктиир судаарыстыбаннай бырагыраама чэрчитинэн ынаҕы-сүөһүнү аһатар кииннэри саҥардарга, саҥа кииннэри тэрийэргэ 217 373,90 тыһ. солк. кээмэйдээх эбии үбүлээһин көрүлүннэ.
«Тыа хаһаайыстыбатын сайыннарыы, тыа хаһаайыстыбатын бородууксуйатын, сырье уонна ас-үөл ырыынагын» бэрээдэктиир судаарыстыбаннай бырагыраама чэрчитинэн быырпах саха национальнай үрүҥ аһын стандартизациялыырга научнай-чинчийэр үлэни ыытарга 3 000,00 тыһ. солк. үбүлээһин бэрилиннэ.
«Саха Өрөспүүбүлүкэтигэр урбааны уонна туризмы сайыннарарга» судаарыстыбаннай бырагыраама чэрчитинэн туристическай кластердары сайыннарарга, инженернай уонна тырааныспар инфраструктуратын тутуутун үбүлүүр тэрээһиннэри субсидиялыырга 10 000 тыһ. солк. көрүлүннэ.«Саха Өрөспүүбүлүкэтигэр судаарыстыбаннай уонна официальнай тыллары харыстыырга уонна сайыннарарга» туһуламмыт судаарыстыбаннай бырагыраама тэрээһиннэрин олоххо киллэрэргэ 2025 с. 100 034,30 тыһ. солк. кээмэйдээх бүддьүөт ассигнованията чопчуланна.
Саха Өрөспүүбүлүкэтигэр олорор элбэх оҕолоох дьиэ кэргэн 30% итэҕэһэ суох ыалга дьиэ-уот, хомунаалынай өҥөнү төлүүргэ чэпчэтиини олохтуурга 300 000 тыһ. солк. көрүлүннэ.
«Мин Сахам Сирэ XXI үйэҕэ» өрөспүүбүлүкэтээҕи үтүө дьыала хамсааһынын биэдэмистибэннэй бырайыагын чэрчитинэн эбии үбүлүүргэ 500 000 тыһ. солк. көрүлүннэ.Төрөппүт көрүүтэ суох хаалбыт оҕолору, тулаайахтары олорор дьиэнэн хааччыйарга эбии бүддьүөт ассигнованията көрүлүннэ.5 уонна онтон элбэх сокуоннай саастарын ситэ илик оҕолоох ыаллары дьиэнэн хааччыйарга эбии бүддьүөт ассигнованията көрүлүннэ.
Элбэх оҕолоох ыаллар чааһынай дьиэ тутталларыгар сөптөөх усулуобуйаны тэрийэргэ учаастактарыгар инженернай инфраструктураны тардарга эбии бүддьүөт ассигнованията көрүлүннэ.Анал байыаннай дьайыы кыттыылаахтарын дьиэ кэргэттэригэр уонна 3 онтон элбэх оҕолоох ыалларга бэриллибит сир учаастагар гааһы киллэрэргэ үбүлээһин баар буолуоҕа.Социальнай суолталаах бырайыактары оҥорор сонуну киэҥ эйгэҕэ тарҕатар ситими (СМИ) өйүүргэ 10 000,00 тыһ. солк. кээмэйдээх эбии үбүлээһин көрүлүннэ.
-
1
-
0
-
0
-
0
-
0
-
0
