Фракция чилиэнэ, Ил Түмэн урбааҥҥа уонна туризмҥа сис кэмитиэтин бэрэссэдээтэлэ Алексей Корнилов Судаарыстыбаннай Дуума «Этиловай испиири, итирдэр, кыраадыстаах утаҕы оҥорууну уонна эргиниини судаарыстыба хонтуруоллуурун туһунан, ону таһынан, итирдэр утаҕы иһиини хааччахтыыр» федеральнай сокуоҥҥа уларытыылары киллэрэр сокуон барылын иккис ааҕыыга көрөрүгэр кытынна.
Нолуок ситимин тупсарарга «Арассыыйа Федерациятын Нолуогун кодексатын бастакы уонна иккис чааһыгар уонна кэккэ сокуон аакталарыгар уларытыылары киллэрэр» федеральнай сокуон барылын Саха Өрөспүүбүлүкэтигэр урбаанньыттар бырааптарын көмүскүүр боломуочуйалаах оробуочай мунньаҕар урбаанньыттары кытта бу боппуруоһу дьүүллэстилэр.
Маны таһынан, Алексей Корнилов «Этиловай испиири, итирдэр, кыраадыстаах утаҕы оҥорууну уонна эргиниини судаарыстыба хонтуруоллуурун туһунан, ону таһынан, итирдэр утаҕы иһиини хааччахтыыр» федеральнай сокуоҥҥа уларытыылары киллэрэр 6 №-дээх федеральнай сокуон эрэгийиэн сокуонугар киириитин Судаарыстыбаннай Дуума эрэгийиэннээҕи бэлиитикэҕэ уонна бэйэни салайыныыга сис кэмитиэтин селекторнай мунньаҕар кыттыыны ылла.
Нолуок ситимин тупсарарга «Арассыыйа Федерациятын Нолуогун кодексатын бастакы уонна иккис чааһыгар уонна кэккэ сокуон аакталарыгар уларытыылары киллэрэр» федеральнай сокуон барылын Судаарыстыбаннай Дуумаҕа бастакы ааҕыыга көрөр мунньахха кытынна.
Өрөспүүбүлүкэ урбаанньыттарын пуорумугар «Уһук хоту урбааҥҥа үлэлииргэ нолуогу хомуйуу, урбааны үлэлэтэргэ сөптөөх усулуобуйа учуота» о.д.а. тиэмэҕэ төгүрүк остуоллар ыытылыннылар.
«Этиловай испиири, итирдэр, кыраадыстаах утаҕы оҥорууну уонна эргиниини судаарыстыба хонтуруоллуурун туһунан, ону таһынан, итирдэр утаҕы иһиини хааччахтыыр» федеральнай сокуоҥҥа уларытыылары киллэрэргэ өрөспүүбүлүкэ боломуочуйатын Дьокуускай куорат дьаһалтатыгар дьүүллэһэр мунньахтарыгар норуот дьокутаата кытынна.
Парламент ыытар тэрээһиннэрин таһынан, фракция чилиэннэрэ өрөспүүбүлүкэ араас тэрээһиннэригэр кытыннылар.
Хаартыска: «Саҥа дьон» бэлитиичэскэй баартыйа фракциятын архыыбыттан.
-
0
-
0
-
0
-
0
-
0
-
0
