Саамай элбэх сокуон судаарыстыбаны салайыыга, экэниэмикэни сайыннарыыга, бас билии боппуруостарыгар, бүддьүөкэ, нолуокка ылылынна. Норуот дьокутааттара 59 сокуону, Саха Өрөспүүбүлүкэтин Бырабыыталыстыбата 36 сокуону, Ил Дархан 14 сокуону көҕүлээтилэр.
Былырыын Ил Түмэн 39 федеральнай сокуон барылын көрдө, онтон 3 көҕүлээһини уонна Арассыыйа субъектарын сокуону таһаарар уорганнарын 14 туһулааһыннарын өйөөтө. 2024 с. 10 парламентскай истии, 2 публичнай истии, 24 Бырабыыталыстыба чааһа, 29 төгүрүк остуол, 4 муниципальнай чаас ыытылынна.
Ааспыт сылга Саха Өрөспүүбүлүкэтин Судаарыстыбаннай Мунньаҕа, аныгы парламентаризм тэриллибитэ 30 сылын бэлиэтээтэ. Өрөспүүбүлүкэ Төрүт сокуонугар сурулларынан, парламент — судаарыстыбаннай былаас бэрэстэбиитэллээх, сокуону ылынар уонна хонтуруоллуур уоргана. 1994 с. аахтахха, отучча сыл иһигэр өрөспүүбүлүкэ 3000 сокуона ылылынна. Ол түмүгэр бырамыысалыннай, научнай-тиэхиньиичэскэй, култуурунай кыахпытын илдьэ кэллибит, нэһилиэнньэ социальнай өртүнэн көмүскэллээх буоларыгар, быыбардааччылар накаастарын олоххо киллэрэргэ үлэ ыытыллар.
Василий Кононов хаартыскаҕа түһэриитэ.
-
0
-
0
-
0
-
0
-
0
-
0
