Арассыыйа Федерациятын субъектарын сокуону таһаарар уорганнарын дьокутааттарын быыбарыгар 5429 хандьыдаат баара биллибит. Биир кэлим уокуруктартан 12 бэлитиичэскэй баартыйалартан 4137 хандьыдаат киирбит, онтон 11 баартыйаттан 3956 киһи эрэгистирээссийэлэммит, 74 хандьыдаат туруоруммут ыстаатыһын сүтэрбит, 33 киһи эрэгистирээссийэлэнэн баран туораабыт, 1 киһи кыайан эрэгистирээссийэлэммэтэх.
Биир мандааттаах уокуруктартан 1292 хандьыдаат туруоруммут, онтон 12 бэлитиичэскэй баартыйаттан 1259 киһи киирбит, 33-һэ бэйэлэрин туруоруммуттар. Кинилэртэн 1233 киһи эрэгистирээссийэлэммит, 37 киһи хандьыдаат ыстаатыһын сүтэрбит, түөрт киһи эрэгистирээссийэлэнэн баран туораабыт, 18 киһи кыайан эрэгистирээссийэлэммэтэх.
Киин куораттар дьокутааттарыгар 7702 хандьыдаат туруоруммут, биир кэлим уокуруктарынан 12 бэлитиичэскэй баартыйаттан 3681 хандьыдаат, онтон 3430 киһи эрэгистирээссийэлэммит, 39 хандьыдаат ыстаытыһын сүтэрбит, 19 киһи эрэгистирээссийэлэнэн баран туораабыт, үс киһи кыайан эрэгистирээссийэлэммэтэх.
Биир мандааттаах уокуруктарынан 4021 хандьыдаат, онтон 14 бэлитиичэскэй баартыйаттан 3739 киһи бэлиэтэммит, 282 киһи бэйэлэрин туруоруммуттар. Кинилэртэн 3772 киһи эрэгистирээссийэлэммит, 99 киһи хандьыдаат ыстаатыһын сүтэрбит, 10 киһи эрэгистирээссийэлэнэн баран туораабыт, 140 киһи кыайан эрэгистирээссийэлэммэтэх, заверение оҥорорго түөрт киһиэхэ аккаастаабыттар.
Ити курдук хандьыдааттары эрэгистирээссийэлээһин Арассыыйа үрдүнэн бары таһымнаах быыбарга түмүктэммитин туһунан РФ Киин быыбардыыр хамыыһыйата иһитиннэрэр.
Хаартыска СӨ Киин быыбардыыр хамыыһыйатын Тэлэгэрээм-ханаалыттан.
-
0
-
0
-
0
-
0
-
0
-
0
