23 №-дээх көннөрүү, чуолаан бэрэстэбиитэллээх уорганнар муниципальнай тэриллии баһылыгын талалларыгар кистэлэҥ куоластааһын туһунан Ньургуйаана Заморщикова санаатын эттэ.
«Бу көннөрү тиэхиньиичэскэй көннөрүү буолбатах, олохтоох былаас чиэһин, суобаһын, тутулуга суох буолуутун таарыйар. Күн бүгүн улуус, куорат дьокутааттара — бүддьүөт тэрилтэтин салайааччылара, оскуолалар, биэдэмистибэлэр дириэктирдэрэ, балыыһа кылаабынай быраастара. Кинилэр үлэлэрэ-хамнастара үөһээҥҥи салалтаттан быһаччы тутулуктаах, билиҥҥи судургута суох кэмҥэ сыыһа-халты туттунуу киһи карьератыгар охсор. Бу дьон инникилэрин санаан, дьиэ кэргэннэрин иитэ-аһата олорон, аһаҕастык ким туһугар куоластыахтарай?
Маны учуоттаан туран, аһаҕастык куоластааһын демократия буолбатах, кимиэхэ куоластыыргын көрөн туруу киһини ыгыы-түүрүү биир көрүҥэр тиэрдэр. Оттон кистэлэҥ куоластааһыҥҥа киһи куттанан буолбакка, үтүө суобаһынан куоластыа этэ», — диэтэ дьокутаат.
Онуоха сис кэмитиэт бэрэссэдээтэлэ Владимир Прокопьев кистэлэҥ куоластааһын тохтотулларын, ол эбэтэр муниципальнай тэриллии баһылыгын талыы бэрээдэгин бэрэстэбиитэллээх уорган быһаарарын биллэрдэ. Кини хас биирдии муниципальнай тэриллиигэ киэҥ боломуочуйа бэриллэрин бэлиэтээтэ, кинилэр куоластааһын аһаҕас, эбэтэр кистэлэҥ буоларын бэйэлэрэ быһаарар бырааптаахтарын санатта. Онон муниципальнай тэриллии быраабын хааччахтыыр кыах суоҕун туһунан эбэн эттэ.
Василий Кононов хаартыскаҕа түһэриитэ.
-
0
-
0
-
0
-
0
-
1
-
0
