Бу нэдиэлэҕэ Ил Түмэн XVI уочараттаах пленарнай мунньаҕар норуот дьокутааттара суола-ииһэ суох, киин сиртэн уһук ыраах сытар нэһилиэктэр туһунан өрөспүүбүлүкэ сокуонугар уларытыылары киллэрии боппуруоһун дьүүллэстилэр.
Норуот дьокутаата Александр Сусоев сокуон барылыгар этиллэринэн, Сунтаар улууһугар баар биэс нэһилиэги ыраах сытар нэһилиэктэргэ киллэрэргэ, онтон түөрдү ол испииһэктэн таһаарарга диэн суруллубутун туһунан билиһиннэрдэ. Кини өссө уонча сыллааҕыта сылгы баазата сабыллыбытын холобурдаан, сунтаардары сирдэрин бэрээдэктииллэрин хайҕаата, онтон атын улуустарга быраҕыллыбыт нэһилиэктэр, баазалар төһө элбэхтэрин ыйыталаста.
Бу нэдиэлэҕэ Ил Түмэн XVI уочараттаах пленарнай мунньаҕар норуот дьокутааттара суола-ииһэ суох, киин сиртэн уһук ыраах сытар нэһилиэктэр туһунан өрөспүүбүлүкэ сокуонугар уларытыылары киллэрии боппуруоһун дьүүллэстилэр.
Норуот дьокутаата Александр Сусоев сокуон барылыгар этиллэринэн, Сунтаар улууһугар баар биэс нэһилиэги ыраах сытар нэһилиэктэргэ киллэрэргэ, онтон түөрдү ол испииһэктэн таһаарарга диэн суруллубутун туһунан билиһиннэрдэ. Кини өссө уонча сыллааҕыта сылгы баазата сабыллыбытын холобурдаан, сунтаардары сирдэрин бэрээдэктииллэрин хайҕаата, онтон атын улуустарга быраҕыллыбыт нэһилиэктэр, баазалар төһө элбэхтэрин ыйыталаста.
Онон дьокутааттар хас биирдии улуус аайы ханнык нэһилиэги эбэргэ-көҕүрэтэргэ сокуон барылын бэлэмнээбэккэ, биир сокуонунан ыраах сытар нэһилиэктэр испииһэктэрин чопчулуур көдьүүстээҕин эттилэр. Ол испииһэккэ киирэргэ суол-иис суоҕун, киин сиртэн төһө ырааҕын көрөллөр. Билиҥҥи туругунан, бу испииһэккэ киирбит нэһилиэктэри уматыгынан хааччыйарга, таһаҕаһы тиэйэргэ болҕомто ууруллар уонна быыбарга 20 күн эрдэ куоластыыр бырааптаахтар.
Владимир Федоров барыларын харса суох ыраах сытар нэһилиэктэр ахсааннарыгар киллэртээн баран судаарыстыбаннай өҥөнөн хааччыйар эбэһээтилистибэни билиҥҥи туругунан төһө толорор кыахтаахпытын сураста. Кини Уһук Илиҥҥи гектары ылбыт дьон сирдэрин ыраах сытар нэһилиэк быһыытынан оҥоттордохторуна, кэмигэр ону хааччыйарга көмө оҥоһуллубатаҕына, Борокуратуураҕа үҥсэр бырааптаахтарын санатта. Онон хамыыһыйа, эспиэртэр бөлөхтөрө бу боппуруоска болҕомтолоохтук сыһыаннаһыахтааҕын санатта. Итинник хас да дьокутаат санаатын, этиитин истэн баран сокуон барылын иккис бүтэһик ааҕыыга ылыннылар.
Василий Кононов хаартыскаҕа түһэриитэ.
0
0
0
0
0
0
