СӨ Үбүн министиэристибэтэ көҕүлээһининэн датаассыйаны ааҕыы федеральнай ньыматыгар уларыйыы киирэн, өрөспүүбүлүкэ бүддьүөтүн иккис ааҕыытыгар эбии 28,9 млрд. солк. түһүөҕэ. Онон бүддьүөт ороскуотун аҥаара үөрэх, култуура, доруобуйа харыстабылын салаатыгар, итиэннэ оҕолоох дьиэ кэргэттэри өйүүргэ ыытыллар.
Кыһыл көмүһү, таас чоҕу, ньиэби, айылҕа гааһын, алмааһы хостооһуҥҥа Саха Сирэ дойду үрдүнэн инники күөҥҥэ сылдьар. Кэнники 7 сылга таас чоҕу туһаҕа таһаарыы кээмэйэ үс төгүл улаатта, быйыл устуоруйаҕа аан бастаан 50 мөл. туоннаны куоһарыа. Балаҕан ыйыгар дойду Бэрэсидьиэнэ Владимир Путин 531 км. уһуннаах Чуумпу акыйааннааҕы тимир суол аһыллыытыгар кытынна. Онон 30 мөл. туонналаах Саха Сирин Эльгатааҕы таас чоҕо быһаччы Охотскай муораҕа тахсар кыахтанна.
Василий Кононов хаартыскаҕа түһэриитэ.
-
0
-
0
-
0
-
0
-
0
-
0
