Ол туһунан Ил Дархан Айсен Николаев Анал этиитигэр билиһиннэрбитэ. Быйыл «Селигдар» хампаанньа үйэ аҥаардаах үбүлүөйүн бэлиэтээтэ, бу бэлиэ кэрдиис кэмҥэ «Хвойнай» фабрика аһылынна. «Nordgold» Токотооҕу хайаны байытар кэмбинээт бастакы уочаратын үлэҕэ киллэрдэ. «Полюс Алдан» Кураанахтааҕы айылҕа баайдаах сиргэ көмүһү хостооһуну улаатыннарар.
Геологтар көмөлөрүнэн кэлэр сылларга өссө 100-чэкэ айылҕа баайдаах сир туһаҕа тахсыаҕа. Сир баайын хостуур бөдөҥ хампаанньалар өрөспүүбүлүкэҕэ социальнай бырайыактарга кэнники 7 сыл иһигэр 45 млрд. солк. тахса үбү ыыттылар. Кинилэр көмөлөрүнэн Мииринэй оройуонун Таас Үрэх нэһилиэгэр култуура киинэ, Ньурбаҕа чэбдигирдэр киин тутуллар, эһиил Жатайга «Инникигэ хардыы» үөрэх киинэ аһыллыаҕа.
Василий Кононов хаартыскаҕа түһэриитэ.
-
0
-
0
-
0
-
0
-
0
-
0
