“РФ субъектарыгар публичнай былааһы тэрийии уопсай бириинсиптэрэ” Федеральнай сокуон 19 ыстатыйатын 21 чааһын 9.1 пуунугар сурулларынан, өскөтүн дьокутаат омук агенын статуһун ыллаҕына, дьокутаат боломуочуйата бүтүөн иннинэ эрдэ быһыллар. Федеральнай сокуон этэринэн, РФ субъегын сокуону таһаарар уоргана боломуочуйаны быһыы туһунан быһаарыныыта 30 күн иһигэр, эбэтэр кини омук агена буоларын туһунан билбит күнүттэн оҥоһуллуохтаах.
Мандаат уонна регламент хамыыһыйатын бэрэссэдээтэлэ Игорь Григорьев бу боппуруоһу көрөргө хамыыһыйа мунньаҕа 2026 с. кулун тутар 13 күнүгэр буолбутун туһунан иһитиннэрдэ. Ол түмүгүнэн СӨ норуотун дьокутаата Александр Игнатьевич Иванов* боломуочуйатын болдьоҕун иннинэ быһарга Ил Түмэн уурааҕын бырайыага бэлэмнэммит.
Пленарнай мунньахха куоластааһын быһыытынан дьокутааттар ити бырайыагы өйөөтүлэр, онон омук агенын ахсааныгар киирбит дьокутаат Александр Иванов* боломуочуйатын болдьоҕо бүтүөн иннинэ быһылынна.
*2026 с. олунньу 27 күнүгэр Арассыыйа Минюһун быһаарыытынан, омук агеннарын ахсааныгар киирбитэ.
Василий Кононов хаартыскаҕа түһэриитэ.
-
0
-
0
-
0
-
0
-
0
-
0
