Холобур, «Коммерсантъ» бэлиэтииринэн, Ульяновскай уобаласка 2003 сылтан көстүбэтэх конкуренция таһыма үрдээбит. 187-с уокурукка биир дьокутаат миэстэтигэр 13 киһи, 188-с уокурукка 11 кандидат киирсэр. Бу иннинээҕи парламент быыбарыгар уокуруктан кыттааччы муҥутуур ахсаана 10 кандидат этэ.
Новосибирскай уобаласка түөрт биир мандааттаах уокуруктарга 43 кандидат, икки киһи бэйэ кандидатуратынан туруоруннулар. Ол туһунан Новосибирскай уобаластааҕы Быыбар хамыыһыйатын бэрэссэдээтэлэ Ольга Благо кэпсээтэ. Саамай сытыы конкуренция 135 №-дээх уокурукка күүтүллэр. Быыбарга 13 кандидат сайаапкаланна. 136 уонна 137 №-дээх уокуруктарга 11-дии кандидат.
«Хакасия» ГТРК бэлиэтииринэн, өрөспүүбүлүкэ үрдүнэн быйыл, 2016 сыллааҕы быыбары кытта тэҥнээтэххэ, икки төгүл элбэх кандидат дьокутаатынан үлэлиэн баҕарар. Докумуону барыта 17 киһи биэрбит, олортон аҕыс бэйэ кандидатуратынан туруоруммут, тоҕус – бэлитиичэскэй баартыйалар бэрэстэбиитэллэрэ.
Санатар буоллахха, VIII ыҥырыылаах Госдума быыбара балаҕан ыйын 19 күнүгэр буолуоҕа. Нэһилиэнньэ 450 дьокутааты талыаҕа. Итинтэн 225 дьокутаат биир мандааттаах уокурукка уонна 225 дьокутаат федеральнай быыбардыыр уокурукка бэлитиичэскэй баартыйалар испииһэктэринэн талыллыаҕа.
-
0
-
0
-
0
-
0
-
0
-
0
