Биометрияны туһаныы атыыһыт уонна атыылаһааччы икки ардыларыгар сыһыаны дьэҥкэ оҥоруо, түөкүннэр албастарыттан көмүскүө диэн Госдуума үпкэ ырыынак сис кэмитиэтин бэрэссэдээтэлэ Анатолий Аксаков иһитиннэрдэ диэн “РИА Новости” суруйар.
“Илиинэн илии баттааһын оннугар биометрияны туһаныы атыылааччы уонна атыылаһааччы сыһыаннарын судургутутар. Билигин ыраахтан сделка оҥорууга Росреестрга эрдэтинэ электроннай атыы-эргиэн ыытылларыгар сөбүлэҥ ирдэнэр”, - диэн толорон эттэ.
Кэмитиэт салайааччыта быһаарбытынан, хамсаабат баайы-дуолу кытары сыһыаҥҥа биометрияны туһаныы түөкүннэртэн харыстыа: “Тустаах структураларынан бигэргэтиллибит биометрия дааннайдарын туһаныы кутталы намтатыа дии саныыбын. Түөкүттэр биометрия дааннайдарын албынныыры сатаан оҥорботтор”, - диэн эттэ.
Ыспыраапка- Биир кэлим биометрия систиэмэтэ (ЕБС) - судаарыстыбаннай информация платформата, ону туһанан араас өҥө оҥоһуллар. Ол иһигэр атыы-эргиэн, тырааныспарка айан, ыраахтан биисинэс арыйыы, элбэх өҥөлөөх кииннэргэ өҥө оҥотторуу уонна да атын. Хас биирдии киһи тус бэйэтэ өҥөнү табыгастааҕынан туһанар.
Хаартыска: РИА Новости / Алексей Даничев
-
0
-
0
-
0
-
0
-
0
-
0
