Санатар эбит буоллахха, Ил Дархан уонна Бырабыыталыстыба дьаһалтатын салайааччыта Афанасий Владимиров саҥа миниистири кэллэктиипкэ уонна уопсастыбаннай түмсүүлэргэ билиһиннэрэригэр Петр Шамаевы үлэҕэ эппиэтинэстээх, сурукка-бичиккэ оттомноох уонна дьону кытта истиҥ сыһыаны олохтуур кыахтаах исписэлиис быһыытынан сыаналаан турар. Биһиги эрэдээксийэбит тутатына миниистир Петр Витальевиһы кытта көрсөн, инники былааннар туһунан кэпсэттэ:
– Бастатан туран, ыччат бэлиитикэтин сүрүн хайысхалара, холобур, ыччат тутар этэрээттэрэ, улуус ыччаттарын түмсүүлэрэ, волонтердар хамсааһыннара саҥалыы сайдыахтаахтар. Иккиһинэн, хомойуох иһин Интэриниэт аҥаардас сайдыыны эрэ аҕалбат. Сыаннастары уларытара, сыыһа өйдөбүллэри таһаарара эмиэ баар. «Үөрэнниҥ, дьупулуом ыллыҥ да олох киэҥ аартыга аһаҕас», – диибит. Кэбэҕэстик: «Биисинэскэ барыҥ», – диэн угуйабыт. Оттон уустуктар туһунан кэпсээбэппит. Ыччат тус уопут, сатабыл, дьүккүөр быһаарар оруоллааҕын бигэтик өйдүөхтээх. Үсүһүнэн, каадыр таһымын үрдэтии. Тыа сиригэр ыччат олорор, үлэлиир усулуобуйатын тэрийии. Киһи сайдар уратытын, таһымын көрөн, дьарыктаах буоларыгар кыһаллыы. Эдэр дьон хамаанда быһыытынан үлэлиирин, бодуруһарын ситиһии.
-
0
-
0
-
0
-
0
-
0
-
0
