Мунньахха СѲ Бырабыыталыстыбатын Бэрэссэдээтэлин солбуйааччыта Анатолий Семенов, СѲ үпкэ миниистирин э.т. Валерий Жондоров, СѲ экэниэмикэҕэ миниистирэ Петр Попов, СѲ үѳрэхтээhиҥҥэ уонна наукаҕа миниистирэ Нюргуна Соколова, норуодунай дьокутааттар уо.д.а. кытыннылар.
Бэбиэскэҕэ киирбит «2023 сылга уонна 2024 уонна 2025 сыллар былааннаах кэмнэригэр Саха Ѳрѳспүүбүлүкэтин судаарыстыбаннай бүддьүѳтүн туhунан» Саха Ѳрѳспүүбүлүкэтин Сокуонугар уларыйыылары киллэрии туhунан» (Саха Ѳрѳспүүбүлүкэтин Баhылыгын сокуону таhаарар инициативата, бастакы ааҕыы) 5-7 Саха Ѳрѳспүүбүлүкэтин сокуонун бырайыагын туhунан уонна «2024 сылга уонна 2025 уонна 2026 сыллар былааннаах кэмнэригэр Саха Ѳрѳспүүбүлүкэтин судаарыстыбаннай бүддьүѳтүн туhунан» (Саха Ѳрѳспүүбүлүкэтин Баhылыгын сокуону таhаарар инициативата, бастакы ааҕыы) 6-7 Саха Ѳрѳспүүбүлүкэтин сокуонун бырайыагын туhунан боппуруостарга СѲ үпкэ миниистирин э.т. Валерий Жондоров дакылааттара истилиннилэр.
Дакылааттары дьүүллэhии кэнниттэн СѲ Судаарыстыбаннай Мунньаҕар (Ил Түмэҥҥэ) үѳhээ ахтыллыбыт сокуоннар бырайыактарын бастакы уонна бүтэhиктээх ааҕыыга ылынарга рекомендациялыыр уонна бу сокуоннар бырайыактарыгар наукаҕа уонна үѳрэхтээhиҥҥэ сис кэмитиэт бэлэмнээбит түмүктэрин бигэргэтэр туhунан ис хоhоонноох быhаарыылар ылылыннылар. Быhаарыылар уонна түмүктэр СѲ Судаарыстыбаннай Мунньаҕын (Ил Түмэн) бүддьүѳккэ, үпкэ, нолуок уонна сыана бэлиитикэтигэр, бас билии уонна приватизация боппуруостарыгар сис кэмитиэтигэр ыытыллыахтара.
-
0
-
0
-
0
-
0
-
0
-
0
