Кинилэр 2030 сылга диэри физическэй култуура уонна спорт сайдыытын стратегиятын бырайыагар Саха сирэ киллэрэр этиилэрин тула кэпсэттилэр.
“Биһиги маассабай спорду сайыннарыы, эдэр спортсменнары бэлэмнээһин, материальнай база туһунан кэпсэттибит. Физическэй култуура сайдыытын хайысхатын ырытыстыбыт, ол иһигэр Чурапчы спордун институтун холобуругар физкультурнай үөрэх тиһигин сайдыытын ырытыстыбыт”, — диэн Михаил Гуляев РФ спордун министиэристибэтин пресс-сулууспатыгар иһитиннэрбит.
Ил Түмэн дьокутаата ону таһынан мас-рестлинг көрүҥүн сайыннарыы туһунан кэпсэппиттэрин бэлиэтээбит. “Биһиги спорт оскуолаларыгар уонна үрдүк үөрэх кыһаларыгар мас-рестлинг салаатын арыйалларыгар этиилээх таҕыстыбыт. Мин мас-рестлинг бүтүн Арассыыйатааҕы федерациятын президенинэн буоларым быһыытынан, миниистири аан дойду чемпионатыгар ыалдьыттыырыгар ыҥырдым. Күрэхтэһии Дьокуускайга бэс ыйыгар буолуохтаах. Олег Васильевич Дьокуускайга хаста да кэлэ сылдьыбыта, бу да сырыыга кэлиэҕэ диэн эрэнэбит”. — диэн норуот дьокутаата Михаил Гуляев эбэн эппит.
-
0
-
0
-
0
-
0
-
0
-
0
