Көрсүһүү кэмигэр спикер уонна премьер э.т. национальнай бырайыактар олоххо киириилэрин, пандемия кэнниттэн өрөспүүбүлүкэ экэниэмикэтин чөлүгэр түһэрии боппуруостарыгар сүрүн болҕомтолорун уурдулар.
– Билигин былаас сокуону оҥорор уонна толорор салаалара хаһааҥҥытааҕар да дьүөрэтик уонна чуолкайдык бииргэ үлэлииллэрэ ирдэнэр. Биһиги пандемия экэниэмикэҕэ содулун туоратарга, тэрилтэлэри, нэһилиэнньэни өйүүргэ улахан үлэни ыытыахтаахпыт. Ол курдук, үлэтэ суох дьон ахсаана аччыырын, хамнас үрдээһинин, дьадайыы таһыма түһэрин, атыы-эргиэн сайдыытын хааччыйыахтаахпыт, – диэн көрсүһүү кэмигэр Андрей Тарасенко бэйэтин санаатан эттэ уонна норуот дьокутааттарын кытта бары боппуруостарга ыкса үлэлииргэ бэлэмнээҕин иһитиннэрдэ.
“Ил Түмэн” Судаарыстыбаннай Мунньаҕын бэрэссэдээтэлэ Петр Гоголев норуот дьокутааттара толорор былаас бары салааларын кытта бииргэ үлэлэһэргэ бэлэмнэрин бэлиэтээтэ. Спикер инникитин өрөспүүбүлүкэ салалтатын кытта үлэ бигэ туруктаахтык баран, норуокка көдьүүстээх уонна туһалаах дьаһаллар ылыллалларыгар бүк эрэллээҕин эттэ.
-
0
-
0
-
0
-
0
-
0
-
0
