Санатан эттэххэ, норуот дьокутааттара бэҕэһээ уонна бүгүн Бүлүү бөлөх улуустарга олох-дьаһах хаамыытын миэстэтигэр сылдьан көрөн-истэн, олохтоох бэйэни салайыныыга быһаччы кыттыгастаах дьону – нэһилиэктэр уонна улуус дьокутааттарын, тыа хаһаайыстыбатын салаатын салайааччыларын, үлэ дьонун кытта көрсөн мунньахтаатылар.
Тыа хаһаайыстыбатын сорох боломуочуйалара улуустарга бэриллибитинэн кэпсэтии сүнньэ ити тула буолар. Итиэннэ олохтоох бэйэни салайыныыга сыһыаннаах сокуон олоххо киириитин, инники соруктары дьүүллэһэр сыаллаах оробуочай бөлөх үлэтин 10 чаастан Бүлүү куоратын М.Н. Жирков аатынан Култуура дыбарыаһыгар буолла.
Нэһилиэктэр баһылыктара уонна дьокутааттара, тыа хаһаайыстыбатын кэпэрэтииптэрин уонна бааһынай хаһаайыстыбаларын салайааччылара, үлэ дьоно быһаччы Ил Түмэн дьокутааттарыгар долгутар ыйытыыларын биэрдилэр, дьүүллэстилэр. 
Ил Түмэн бэрэссэдээтэлэ Алексей Еремеев тыл эппитин кэннэ олохтоох салайыныыга сис кэмитиэт бэрэссэдээтэлэ Владимир Прокопьев иһитиннэриилээх тырыбынаҕа таҕыста. Мунньах кыттыылаахтара Владимир Михайловичтан чопчулаһар ыйытыылары биэрдилэр. Чуолаан эттэххэ, дьокутаат боломуочуйатыгар, быыбарга, ыстаакка, нэһилиэктэргэ дьокутааттар ахсааннарыгар сыһыаннааҕы туоһуластылар.
Күн устата Ил Түмэн дьокутааттара улуус хаһаайыстыбаларын сылдьан көрүөхтэрэ, өрөспүүбүлүкэ сайдыытыгар улахан кылааттарын киллэрбит судаарыстыбаннай-уопсастыбаннай диэйэтэллэр пааматынньыктарыгарсибэкки дьөрбөтүн ууруохтара.
Хаартыска: Ил Түмэн пресс-сулууспата
-
0
-
0
-
0
-
0
-
0
-
0
