Киирбит ыйытыыларга сиһилии хоруйу биэрэр, толору хонтуруолга ылар туһугар норуот дьокутаатын тус көрсүһүүтүгэр СӨ Тырааныспарга министиэристибэтиттэн, СӨ нэһилиэнньэ дьарыктаах буолуутун судаарыстыбаннай кэмитиэттэн, “Дьокуускай куорат” куорат уокуругун сир сыһыаннаһыытын ааҕыныстыбатыттан, дьиэ-уот сыһыаннаһыытын дэпэртээмэниттэн бэрэстэбиитэллэр кэллилэр.
С. – тыыл бэтэрээнэ, инбэлиит. Кини Дьокуускайга уопсай дьиэҕэ хостоох эбит. Ол хоһун хааччыллыылаах кыбартыыраҕа атастаһыан баҕарарын эттэ. Ону таһынан ытык кырдьаҕас буоларын учуоттаан туран (90-с хаарыгар үктэммит), социальнай үлэһит нэдиэлэҕэ үстэ кэлэригэр көрдөстө. Билигин социальнай үлэһит киниэхэ нэдиэлэҕэ иккитэ кэлэн көмөлөһөн барар эбит.
Хас да киһи бөлөҕүнэн кэлэн норуот дьокутаата Алена Атласованы кытта тус көрүстэ, кыһалҕалларын этиннилэр. Кинилэр Уһук Хоту олорор, сарбыллыыга түбэһэн үлэлэриттэн уурайбыт үлэһиттэр бырааптара күөмчүлэнэрин этиннилэр. Ол курдук, олорор сирдэригэр баар нэһилиэнньэ дьарыктаах буолуутун уорганнара сарбыллыыга түбэһэн уурайбыт күннэриттэн 4, 5 уонна 6 ыйга орто хамнастарын төлүүллэриттэн аккаастанар быһаарыыны ылыммыттарын иһитиннэрдилэр. Үлэлэриттэн уурайбыт үлэһиттэр СӨ нэһилиэнньэ дьарыктаан буолуутун судаарыстыбаннай кэмитиэт бирикээһин тутуспаттарын ыйын туран, суутка административнай ирдэбиллээх тахсыбыттар. Дьыаланы салгыы туруорса сатыыллар да улахан хамсааһын тахсыбат эбит. Ол иһин норуот дьокутаатыттан көмө көрдөһө кэлбиттэр.
Тус көрсүһүүгэ үһүс киһинэн С. киирдэ. Кини Былатыан Ойуунускай духуобунай уонна литературнай нэһилиэстибэтин харыстыырга, киэҥ эйгэҕэ сырдатарга былааннарын кэпсээтэ.
Бэлиэтээн эттэххэ, киирбит кыһалҕалары, этиилэри хонтуруолга ыллылар, туһааннаах үлэ салгыы барыаҕа.
Василий Кононов хаартыскалара.
-
0
-
0
-
0
-
0
-
0
-
0
