Елизавета Жиркова үлэтин 1987 сыллаахха Орто Халыма улууһун Ойууһардаах аҕыс кылаастаах оскуолатын алын кылааһын учууталынан саҕалаабыт. 2004 сыллаахха Москватааҕы судаарыстыбаннай салайыныы үнүстүүтүн бүтэрбит. Педагог-психолог идэни баһылаабыт.
Сиэн Күөл баһылыгынан үлэлиир кэмнэригэр нэһилиэк сайдыытыгар үрдүк көрдөрүүлэри ситиспит. 2016 сыллаахха нэһилиэк улууска “Тупсаҕай оҥоһуулаах бастыҥ бөһүөлэк” диэн улуус баһылыгын гранын ылбыт, 2018 сыллаахха Ил Түмэн Махтал суругунан наҕараадаламмыт, 2018 сыл түмүгүнэн Орто Халыма улууһугар “бастыҥ баһылык” диэн гранынан бэлиэтэммит.
Михаил Гуляев үрдүк наҕарааданы туттарыы кэмигэр Елизавета Жиркова баһылык быһыытынан нэһилиэк социальнай экэнэмиичэскэй сайдыытыгар сүҥкэн үлэни-хамнаһы ыыппытын тоһоҕолоото. Ол курдук, социальнай суолталаах “Арчы дьиэтэ” тутуллубут, спортивнай уонна оҕо былаһааккалара, ыччат паарката, Лаптевтар сквердэрэ оҥоһуллубуттар, уһуйаан дьиэтэ саҥардыллыбыт, кылабыыһа күрүөлэммит, погрузчик атыыласпыттар, 4 күргэ тутуллубут, доруобуйа харыстабыла, үөрэхтээһин, тыа хаһаайыстыбата бигэтик сайдалларыгар олук ууруллубут.
-
0
-
0
-
0
-
0
-
0
-
0
