Ил Түмэн бүддьүөккэ, нолуокка уонна сыана бэлиитикэтигэр, кэтэх бас билиигэ уонна приватизацияҕа сис кэмитиэтин бэрэссэдээтэлэ Юрий Николаев, сир сыһыаннаһыыларыгар, айылҕа баайыгар уонна экологияҕа сис кэмитиэтин бэрэссэдээтэлэ Владимир Прокопьев, норуот дьокутааттара Семен Филиппов, Ньургуйаана Захарова, Оксана Михайлова Татарстан Судаарыстыбаннай Сүбэтигэр үлэлээтилэр. Үлэлиир сырыы чэрчитинэн спикер Фарид Мухаметшины уонна сис кэмитиэттэр салайааччыларын кытта көрүстүлэр.
Дьокутааттар экэниэмикэҕэ, бүддьүөккэ, экологияҕа уонна социальнай бэлиитикэҕэ сыһыаннаах нормативнай правовой базалары оҥорууга парламеннар икки ардыларынааҕы үлэни дьүүллэстилэр.
Көрсүһүүлэргэ сүрүннээн хамсык кэмигэр эрэгийиэннэр бүддьүөттэрин дохуотун чааһын туолуутун ырыттылар. “Кэнники сылларга Татарстаҥҥа саппаастаах бүддьүөтү ылыммаппыт. Киирбит дохуот бүтүннүү судаарыстыбаннай бырагыраамаларга тыырыллар. Татарстан бүддьүөтүн 95 %-на бырагыраамалар олоххо киириилэригэр ананар”, – диэн Судаарыстыбаннай Сүбэ бүддьүөккэ, нолуокка уонна үп-харчыга сис кэмитиэтин бэрэссэдээтэлэ Леонид Якунин кэпсээтэ.
Маны таһынан, Ил Түмэн дьокутааттара тулаайах оҕолору дьиэнэн хааччыйыы, элбэх оҕолоох ыаллар өйөбүллэрин социальнай бырагыраамаларын, дьоҕус уонна орто урбаан өйөбүллэрин сэҥээрдилэр.
Санатан эттэххэ, бу көрсүһүүлэр Татарстаҥҥа Саха сирин күннэрин чэрчитинэн тэрилиннилэр.
Татарстан Өрөспүүбүлүкэтин Судаарыстыбаннай Сүбэтин пресс-сулууспатын матырыйаалынан.
-
0
-
0
-
0
-
0
-
0
-
0
