Бэлиэтээн эттэххэ, сокуон барыла бэс ыйын 9 күнүгэр Ил Түмэн мандаатын уонна регламенын хамыыһыйатыгар көрүллүбүтэ. Мунньах кэмигэр сүрүн дакылааты Мандаат уонна регламент хамыыһыйатын бэрэссэдээтэлэ Андрей Николаев оҥордо. Ол курдук, Саха Өрөспүүбүлүкэтин Төрүт сокуонун 3-с ыстатыйатын 4 чааһыгар олоҕуран, Саха Өрөспүүбүлүкэтин Төрүт сокуонун сүбэтэ конституционнай сокуон барыллара уонна өрөспүүбүлүкэтээҕи сокуоннар Саха Өрөспүүбүлүкэтин Төрүт сокуонугар төһө сөп түбэһэллэрин дуу, суоҕун дуу быһаарар боломуочуйалаах. Маныаха сокуон барыллара Төрүт сокуон көрүүтүгэр Ил Түмэн регламенын бэрээдэгинэн киирэллэр. Саҥа регламенынан, Ил Түмэн сокуон барылларын Төрүт сокуон сүбэтин аастахтарына эрэ көрүөхтээх. Сокуон барылларын сис кэмитиэттэр бэйэлэрэ Төрүт сокуон сүбэтигэр киллэрэллэр.
Маны таһынан, саҥардыллыбыт регламеҥҥа сыл аайы Төрүт сокуон отчуотун истии бэрээдэгэ киирбит. Констиционнай сокуон 4-с уонна 5-с ыстатыйаларыгар этиллэринэн, Төрүт сокуон сүбэтин сүбэһиттэрин дуоһунастарыгар бигэргэтии, андаҕары биэрии, боломуочуйаларыттан устуу Ил Түмэн регламенынан сүрүннэнэр.
-
0
-
0
-
0
-
0
-
0
-
0
