“Сөбүлэҥ үлэбит хайысхатын кэҥэтиэҕэ. Бу докумуон устудьуоннарга, уһуйааччыларга уонна хотугу аҕыйах ахсааннаах норуоттар бэрэстэбиитэллэригэр туһалаах буолуо диэн эрэнэбин. Билигин судаарыстыба хааһынатын хас биирдии сыыппарата ханна уонна хайдах ороскуоттанара билим өттүнэн бигэргэниэхтээх”, – диэн Елена Христофоровна бэлиэтээтэ.
“Биһиги Аартыка улуустарын оскуолаларын бүтэрээччилэрин кытта быһаччы үлэлэһэргэ бэлэммит. Кинилэри бэйэбит бырагыраамаларбытыгар: “Культурология”, “Социокультурнай бырайыактааһын”, “Норуот уус-уран (художественнай) култуурата” диэн бакалавр хайысхаларыгар киллэрэн үөрэтиэхпитин сөп. Маны таһынан, культурология өттүнэн магистратураҕа уонна аспирантураҕа үөрэтэргэ эмиэ бэлэммит”, – диэн институт дириэктэрин э.т. Ньургун Афанасьев бэлиэтээтэ. Кини эһиилгиттэн Ил Түмэн сис кэмитиэтиттэн културоведенияҕа уонна педагогикаҕа судаарыстыбаннай сакаастары ылан толорорго былааннаналларын эттэ.
Бу докумуон сүрүн сыала – циркумполярнай эргимтэҕэ киирэр улуустары үрдүк таһымнаах исписэлиистэринэн хааччыйыыга туһуланар.
Ил Түмэн пресс-сулууспата.
- 0
- 0
- 0
- 0
- 0
- 0