Издательский дом Редакция Подписка
Погода в Якутске: . 6 oC

Бу боппуруоhу сотору Госдумаҕа дьүүллэhиэхтэрэ.  Ол туhунан «Парламентскай хаhыат» суруйар.

Бу боппуруоhу сотору Госдумаҕа дьүүллэhиэхтэрэ.  Ол туhунан «Парламентскай хаhыат» суруйар.

Бастакы мунньахха профильнай кэмитиэттэр дьокутааттарын таhынан, Арассыыйа Баанын, тутуу министиэристибэтин уонна үп министиэристибэтин бэрэстэбиитэллэрэ кыттыахтара.

Ааспыт сылга пленарнай мунньах кэмигэр Госдума дьокутааттара биэрэр эрэгийиэнтэн тутулуктанан, чэпчэтиилээх ипотека ыстаапкаларын араастыыр туhунан боппуруоhу кѳтѳхпүттэрэ. Госдума Бэрэссэдээтэлин солбуйааччыта Алексей Гордеев: «Критерийдэртэн биирдэстэринэн субъект сиригэр-уотугар хамнас орто кээмэйин таларга этиллибитэ» — диир.

Үлэлиир бѳлѳх Арассыыйа Федерациятын субъектарыгар ипотека араастаhыылаах ыстаапкатын киллэриэххэ сѳбүн туhунан мунньаҕа буолаары турдаҕына, спикер: «Судаарыстыбаннай ѳйѳбүл миэрэлэрэ онто да суох хайыы үйэ чэпчэтиилээх ипотека сиринэн-уотунан араастаhыытын сабаҕалыыллар — «Тыа сирин ипотеката», «Илин Уhук ипотеката», «Аартыка ипотеката» уонна «Саҥа эрэгийиэннэргэ чэпчэтиилээх ипотека» үлэлии тураллар», — диэн бэлиэтээтэ.

Оттон Федерация Сэбиэтин бүддьүѳккэ уонна үп ырыынагар Кэмитиэтин Бэрэссэдээтэлэ Анатолий Артамонов дьүүллэhиллэр боппуруоска сыhыан уларыйарын биhириир.

«Москва, Санкт-Петербург курдук уо.д.а. мегаполистарга олорор дьиэ ырыынага аhара туолан, улаатан турар. Манна олорор дьиэ тутуута хайыы үйэ актуальнайа суох. Онуоха олохтоохторо элбэхтик кѳhѳн барар уонна нэhилиэнньэтэ 20 сыл иhигэр икки тѳгүл, онтон да ордук аҕыйаабыт эрэгийиэннэр бааллар. Дьэ онно ипотека нулевой, эбэтэр 0,5% ыстаапкалаах буолуохтаах», — диэтэ сенатор.

Хаартыска аhаҕас источниктан ылылынна.

  • 0
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением
В Ил Тумэне

Связующее звено

На очередном пленарном заседании Госсобрания Якутии депутатам предстоит утвердить членов…
20.04.24 11:51