Издательский дом Редакция Подписка
Погода в Якутске: . 18 oC

Бэс ыйын 20 күнүгэр Госдуума дьокутааттара РФ Нолуок кодексыгар уларытыылары киллэриини бастакы ааҕыытыгар ылыннылар. Уларыйыылар бастатан туран, физическэй сирэйдэр дохуоттарыгар нолуок (НДФЛ) прогрессивнай кэрдииһин олохтооһуну кытта ситимнээхтэр.   Бу иннинэ  РФ бырабыыыталыстыбата көҕүлээн киллэрэр бырайыагын  Госдуума Бүддьүөккэ уонна нолуоктааһыҥҥа  кэмититиэтигэр көрбүттэрэ, парламент истиилэрэ барбыттара.

Бэс ыйын 20 күнүгэр Госдуума дьокутааттара РФ Нолуок кодексыгар уларытыылары киллэриини бастакы ааҕыытыгар ылыннылар. Уларыйыылар бастатан туран, физическэй сирэйдэр дохуоттарыгар нолуок (НДФЛ) прогрессивнай кэрдииһин олохтооһуну кытта ситимнээхтэр.   Бу иннинэ  РФ бырабыыыталыстыбата көҕүлээн киллэрэр бырайыагын  Госдуума Бүддьүөккэ уонна нолуоктааһыҥҥа  кэмититиэтигэр көрбүттэрэ, парламент истиилэрэ барбыттара.

 Миниистирдэр кэбиниэттэрин мэктиэлээһининэн маннык кэрдиистээһин олохтонно:

-сылга 2,4 мөл солк. диэри дохуоттаахтарга 13 % ыстаапка уруккунан хаалар;

 -сылга 2,4 мөл солк.  саҕалаан 5 мөл. солк. диэри    дохуоттаахтарга - 15 %;

-сылга 5 мөл солк. саҕалаан 20 мөл. солк. диэри дохуоттаахтарга - 18 %;

-сылга 50 мөл. солк. тахса дохуоттаахтарга - 22 %.

Үрдэтиллибит нолуок бары сууматтан буолбакка, ыйыллыбыт боруогу таһынан барар сууматтан тутуллуоҕа. Киллэриллэр уларыйыылар Анал байыаннай дьайыылар кыттылаахтарын таарыйыа суоҕа.

Ону тэҥэ,  уурунуу харчыттан, сыаналаах кумааҕыттан, кыттыылаах өлүүттэн, хамсаабат баайы атыылаһынтан дохуоттан уонна дибидиэнтэн  киирэр барыска нолуоктааһын чуолкайданар. Холобура,  2,4 мөл. солк.  суумалаах дохуокка 13% хаалар, оттон бу сууматтан үрдүк буоллаҕына  15% диэри уонна салгыы прогрессията суох хаалар.  Былаан быһыытынан уларытыылар 2026 сыл тохсунньу 1 күнүттэн күүһүгэр киириэхтэрэ.

 “Физическэй сирэйдэр дохуоттарыгар араҥаламмыт нолуок  ыстаапката киириитинэн, 2025 сылга 533 млрд. солк. курдук кээмэйдээх эбии дохуот киириитэ күүтүллэр. Оттон 2025-2027 сылларга ыстандаартаммыт нолуоктан көҕүрэтии уларыйыытын  учуоттаан туран, уопсайа 1,4 трлн. солк. тахсыаҕа”, - диэн докумуон үп-экэнэмиичэскэй төрүөтүгэр ыйыллыбыт диэн ИТАР -ТАСС суруйда.

Санаттахха, Арассыыйа бэрэсидьиэнэ  Владимир Путин бу дьыл олунньутугар  Федеральнай Мунньахха Анал этиитигэр нолуок прогрессивнай кэрдииһин  олохтууру көрөр туһунан эппитэ.  Дойду бэрэсидьиэнин көҕүлээһининэн ситимнээн, соторутааҕыта Арассыыйа парламенын истиилэрэ ыытыллыбыта, онно Госдуума бэрэссэдээтэлэ Вячеслав Володин норуот дьокутааттарын кытта дьүүллэһии, сүбэлэһии кэнниттэн, нолуок сокуонугар уларытыылары киллэрэргэ үлэ саҕаланна диэн биллэрбитэ.    Госдуума  бары фракциялара көҕүлээһини өйөөн, уларытыыга бырайыактары бэлэмнээн киллэрбиттэрэ. Саха Өрөспүүбүлүкэтин Судаарыстыбаннай Мунньаҕа (Ил Түмэн) ити боппуруоһунан чопчу этиилэри киллэрбитэ.

  • 0
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением
Уопсастыба

Тумарыгы бүрүммүт дьылҕа

Өстөөх үөһүгэр киирэн, тас дойду сирдэринэн сылдьан, киэҥ ыырдарынан тэлэһийэн «дойдум…
19.07.24 14:22