Издательский дом Редакция Подписка
Погода в Якутске: . -37 oC

Госдуума "Ийэ хапытаала" бырагырааманы 2030 сылга диэри уһатар туһунан сокуон барылын ылынна.

Госдуума "Ийэ хапытаала" бырагырааманы 2030 сылга диэри уһатар туһунан сокуон барылын ылынна.

Госдуума пленарнай мунньаҕар дьокутааттар «Ийэ хапытаала» бырагырааманы 2030 сыл ахсынньы 31 күнүгэр диэри уһатар туһунан сокуон барылын бастакы ааҕыыга ылыннылар. РФ бырабыыталыстыбата сокуон барылын 2024 сыл ахсынньы 19 күнүгэр «О дополнительных мерах государственной поддержки семей, имеющих детей»  сокуоҥҥа уларытыылар диэн көрүүгэ киллэрбитэ.   .

Быһаарыы сурукка олоҕуран, Арассыыйа  биэс мөлүйүөн ыала «Ийэ хапытаалын» 2027 — 2030 сылларга ылыан сөп. Барыллаан сыанабыл көрдөрөрүнэн,билиҥҥи сыананан сокуон олоххо киирэригэр бүддьүөккэ эбии ороскуот суумата 2,776 трлн солк. наада.

Ийэ хапытаала «Демография» национальнай бырайыагынан дьиэ кэргэни судаарыстыбаттан өйүүргэ сүрүн миэрэ буолар.

Судаарыстыбаннай Дуума бэрэссэдээтэлэ Вячеслав Володин бэлиэтээбитинэн,  2025 сыл олунньу 1 күнүттэн ийэ хапытаалын кээмэйэ индекцияланан, 2020 сыл тохсунньу 1 күнүгэр диэри төрөөбүт, иитиэх бастакы оҕоҕо төлөбүр 676 398,58 солк. тэҥнэһиэҕэ. 2020 сыл тохсунньу 1 күнүгэр диэри төрөөбүт, иитиэх иккис оҕоҕо төлөбүр эмиэ итинниккэ тэҥнэһиэҕэ. Оттон 2020 сыл тохсунньу 1 күнүн кэнниттэн төрөөбүт, иитиэх иккис уонна ол кэнниттэн оҕоҕо 893 835,58 солк. көрүллүөҕэ. Ол гынан баран бу иннинэ сэртипикээт  ыла илик буоллахтарына.  

Сокуон күүһүгэр киирдэҕинэ, дойду эбии 5 мөл кэриҥэ ыала бу хапытаалы туһанар кыахтаныаҕа диэн ааҕаллар.

Ийэ хапытаалын Арассыыйа Бэрэсидьиэнэ В. Путин 2006 сыллаахха көҕүлээн, олоххо киириитэ 2007 с. саҕаламмыта уонна бу кэм устата уопсайа 14 мөл. тахса сэртипикээт бэрилиннэ диэн ааҕаллар.  

Хаартыска: Голиковтар дьиэ кэргэттэрин архыыбыттан

  • 0
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением