Бу сокуон барыла бастакы ааҕыыны ааһан, Судаарыстыбаннай Дуума Сэбиэтигэр киирэн,чопчуланна уонна быһаарылынна, ол кэннэ сарсын иккис ааҕыыны ааһыахтаах. Ол туһунан Госдуума бэрэссэдээтэлэ Вячеслав Володин маннык билиһиннэрэр.
- Быраастары уонна фармацевтары науката, быраактыката суох дистанционнай уонна электроннай пуорманан үөрэтии - бу дьиҥнээх профанация. Ол сыанатынан дьон олоҕо буолуон сөп. Маннык үөрэҕинэн, дьиҥнээх билиитэ суох дьупулуому ылыы түмүгүнэн иэдээн тахсыыта буолуон сөп. Быраастары бэлэмнээһин уонна хаттаан квалификацияларын үрдэтии научнай баазалаах уонна килииникэлээх анал үөрэх кыһаларыгар эрэ ыытыллыахтаах.
Доруобуйа харыстабылын хаачыстыбата - бу нация чэгиэн буолуутун боппуруоһа, Арассыыйа кэскилэ мантан улахан тутулуктаах, -диэн дойду парламенын бэрэссэдээтэлэ тоһоҕолоон бэлиэтээтэ.
Хаартыска: Госдуума саайта
-
0
-
0
-
0
-
0
-
0
-
0
