“Судаарыстыба куттала суох буолуутун утары буруйу оҥорууга уорбаланааччылары Арассыыйа ФСБ-тын дьаһалыгар киирэр туспа изолятордарга тутуу маннык хайысхалаах холуобунай дьыалалары силиэстийэлээһин көдьүүһүн улаатыннарыаҕа. Ону тэҥэ, атын буруйдарынан силиэстийэлэнээччилэри кытары сөбө суох бодоруһуулартан хааччахтыаҕа ”, -диэн Судаарыстыбаннай Дуума куттал суох буолуутун уонна хоруупсуйаны утары кэмитиэтин бэрэссэдээтэлэ Василий Пискарев иһитиннэрдэ.
Госдуума дьокутааттара холуобунай-толоруулаах систиэмэҕэ (УИС) бэриллибит силиэстийэ изолятордарын Арассыыйа ФСБ-тын дьаһалыгар төнүннэрэргэ туһуламмыт сокуон барылын бастакы ааҕыыга ылыннылар. Бу сокуон чэрчитинэн ФСБ-га силиэстийэ изолятордарын тэрийэригэр уонна уорбаланааччылары, ууруллубуттары изолятордарга тутарга, илдьэргэ-аҕаларга, конбуойдуурга быраап бэриллэр.
Василий Пискарев бэлиэтииринэн, 10 сыл устатыгар (2015-2024 сс.) дойдуну таҥнарыы, үспүйүөннээһин, терроризм уонна экстремизм иһин көбүтүллүбүт дьыала 3 төгүл үрдээбит. Разведкалыыр уонна куорҕаллыыр соруктаах атын дойдулар араас анал сулууспалара уонна кинилэртэн тутулуктаах террористическай уонна экстремистскай түмсүүлэр дьайыылара лаппа элбээбит. Онон маннык дьыалаларга уорбаланааччылары, буруйдаахтары туспа изолятордарга тутуу атын дойдулар разведкалара уонна террористическай түмсүүлэрэ силиэстийэлэнээччилэри кытары сибээһи олохтуулларын тохтотуоҕа. Ону кытта силиэстийэни ыытарга мэһэйдэри үөскэтэ сатыылларын уонна бу дьону салгыы куорҕаллыыр дьыалаҕа кыттыһалларын бопсуоҕа.
Хаартыска: Госдуума
-
0
-
0
-
0
-
0
-
0
-
0
