Госдуума судаарыстыбаннай тутулга уонна сокуоннаска кэмитиэтэ дойду парламенын палататын көрүүтүгэр таксига пассажирдары уонна багааһы таһыыга кырасдааныскай эппиэтинэс булгуччулаах страховкалааһынын полиһа (ОСГОП) суох сылдьыы иһин ыстараабы намтатарга этии киллэрдэ. Ону кытта, бу сокуон барылын бастакы ааҕыыга көрөргө туруорустулар.
Сокуон барыла Госдуума конкуренцияны көмүскээһин кэмитиэтин бэрээсэдээтэлин солбуйааччы Игорь Игошин салалталаах дьокутааттар уонна сенатордар бөлөхтөрө өссө кулун тутар ыйга киллэрбиттэрэ.Ол курдук, кыраасданнары накаастыыр ыстараап 5 тыһ солк диэри, биирдиилээн предпринимателлэри 25 тыһ солк диэри, юридическай сирэйдэри 40 тыһ солк диэри ыстарааптыыр кээмэйи түһэрэргэ диэн туруорсаллар.
Сокуон барылын оҥорооччулар бэлиэтииллэринэн, тыраааныспар хайа баҕарар көрүҥэр курдук, ОСГОП дуогабарын хаттаан түһэрсии болдьоҕун болҕойбокко аһардан кэбиһии тахсарынан, кыра таксиларга уруккунан 500 тыһ солкуобайтан 1 мөл солк диэри ыстараап моҥкуруукка да тириэрдиэн сөп диэн быһаараллар.
Хаартыска Госдуума саайтыттан
-
0
-
0
-
0
-
0
-
0
-
0
