“Биһиги гражданнар иннилэригэр туох баар социальнай эбэһээтилистибэлэр толоруллуохтара диэн эрэллээхтик этэр кыахтаахпыт. Ону ааһан, олус улахан ыстандаартары ылынабыт. Уонна, биллэн турар, анал байыаннай дьайыы кыттыылаахтарыгар анаан барытын оҥордубут”, — диэн Госдума салайааччыта Вячеслав Володин тоһоҕолоото.
Кини этэринэн, бүддьүөт “бэрт уустук ыҥырыыларга” ылыныллыбыт. “Биһиги дойдубутугар 30 тыһыынчаттан тахса сааҥсыйа биллэриллибитэ. Көрөргүт курдук, Евросойуус өттүттэн биһиги актыыптарбытыгар доҕордоһуута суох дьайыылар оҥоһуллаллар”, — диэн спикер бэлиэтээтэ.
Бүддьүөт барылыгар кэккэ улахан суолталаах көннөрүүлэр киирбиттэр, чуолаан АБДь кыттыылаахтарын уонна кинилэр дьиэ кэргэннэрин өйүүр “Защитники Отечества” пуонданы үбүлээһин. Пуонда үбүлээһинэ 50 млрд солк. куоһарыаҕа. Эбии бүддьүөттэн өйөбүлү байыастар дьиэ кэргэннэрин кытары үлэлэһэр НКОлар, итиэннэ байыастары көрдүүр хамсааһыннар уонна инбэлииттэр уопсастыбаннай тэрилтэлэрэ ылыахтара.
АБДь кыттыылаахтарын комплекснай реабилитацияларыгар уонна проезтааһыҥҥа бүддьүөт ороскуота улаатыаҕа, онон эрэгийиэннэргэ итинник көмөнү оҥорору улаатыннарыаҕа. Эһиил 10-тан итэҕэһэ суох үрдүк технологиялаах проезтары оҥорор кииннэр тэриллиэхтэрэ.
Эһиил эбии үбүлээһин оскуолалар хапытаалынай өрөмүөннэригэр (2,2 млрд), социальнай истипиэндьийэҕэ (3 млрд), байыаннай үөрэтэр кииннэргэ (1,7 млрд), чэчпэтиилэх эмпкэ (10 млрд), эрэгийэннэр суолларын оҥорууга уонна өрөмүөннээһиҥҥэ (65 млрд), тыа сирин кэлимник сайыннарыыга (13,4 млрд), аччыгый агробиисинэс өйөбүлүгэр (7,8 млрд), уопсастыбаннай тырааныспары саҥардыыга (12,8 млрд) көрүллүөҕэ.
Эбии харчыны маны таһынан тыа хаһаайыстыбатын тиэхиньикэтин атыылаһыыга, социальнай гаастааһыҥҥа көрүллүөҕэ.
Сонун төрдө уонна хаартыска: Судаарыстыбаннай Дуума официальнай саайта
-
0
-
0
-
0
-
0
-
0
-
0
