Издательский дом Редакция Подписка
Погода в Якутске: . -14 oC

«Аһаҕас былаас кэлим тиһигэр олохтоох салайыныы сүрүн принциптэрин тэрийии туһунан» федеральнай сокуон барыла бэҕэһээ, тохсунньу 25 күнүгэр Судаарыстыбаннай Дуумаҕа бастакы ааҕыыга бигэргэннэ.

«Аһаҕас былаас кэлим тиһигэр олохтоох салайыныы сүрүн принциптэрин тэрийии туһунан» федеральнай сокуон барыла бэҕэһээ, тохсунньу 25 күнүгэр Судаарыстыбаннай Дуумаҕа бастакы ааҕыыга бигэргэннэ.

Докумуон ааптардарыттан биирдэстэрэ, Судаарыстыбаннай Дуума Судаарыстыбаннай тутулга уонна сокуону оҥорууга кэмитиэтин бэрэссэдээтэлэ Павел Крашенинников сокуон барыла олохтоох салайыныыны тэрийиигэ ананар, кини иккис түһүмэҕэ дойдуга аһаҕас былаас кэлим тиһигин тэрийии буолар. Докумуоҥҥа правовой тутуллар судургутутуллубуттар, олохтоох салайыныы уорганнарын компетенциялара чопчуламмыт. Ити олохтоох салайыныы уонна судаарыстыбаннай былаас уорганнарын икки ардыларынааҕы боломуочуйалары тыырсыыга тахсар бутууру туоратарга тирэх буолуоҕа. Ону таһынан, олохтоох салайыныы биир таһымнаах тиһигэ миэстэҕэ былаас саҥа ситимин тэрийэр кыаҕы биэриэҕэ, ол сүрүн төрүтэ территорияҕа буолбакка, нэһилиэнньэҕэ сыһыарыы буолуоҕа.

Олохтоох салайыныы уорганнарын уопсай тутула уларыйыа суоҕа.

Муниципальнай быыбардар уонна баһылыктар эпиэтинэстэрэ

Сокуон барылыгар мунципальнай тэриллии бэрэстэбиитэллээх уорганын тэрийии соҕотох суола муниципальнай быыбардар буолаллара ыйылла сылдьар. Муниципальнай тэриллии баһылыга, Арассыыйа Федерациятын субъегын сокуонугар уонна устаабыгар сөп түбэһиннэрэн, муниципальнай быыбарынан биитэр муниципальнай тэриллии бэрэстэбиитэллээх уорганынан талыллар. Быыбар бэрэстэбиитэллээх уорганынан барар түбэлтэтигэр, баһылык бэрэстэбиитэллээх уорган састаабыттан эбэтэр эрэгийиэн баһылыга туруорбут хандьыдааттарыттан талыллар.

Арассыыйа Федерациятын субъегын үрдүкү баһылыгын иннигэр муниципальнай тэриллии баһылыктарын уонна олохтоох дьаһалталар салайааччыларын эппиэтинэстэрэ улаатар. Муниципальнай тэриллии баһылыга Арассыыйа Бэрэсидьиэнин ыйааҕынан бигэргэммит олохтоох салайыныы уорганнарын үлэлэрин көдьүүһүн көрдөрүүтүн ситиспэт түбэлтэтигэр, астаапкаҕа таһаарыллыан сөп. Бу көҕүлээһини эрэгийиэн баһылыга муниципальнай тэриллии бэрэстэбиитэлээх уорганыгар оҥорор бырааптаах.

Олохтоох дьаһалта баһылыгын статуһа эмиэ бөҕөргөтүллэр. Сокуон барылыгар этиллэринэн, кини муниципальнай дуоһунастаах. Олохтоох салайыныы бары дуоһунастаах сирэйдэригэр боломуочуйа болдьоҕо тэҥ – биэс сыл.

Аһаҕас былаас кэлим буолуута

Павел Крашенинников сокуон барыла Арассыыйа Федерациятыгар аһаҕас былаас Конституциянан бигэргэммит кэлим ситимигэр олохтонор уонна гражданнар, уопсастыба, судаарыстыба интэриэстэригэр дойду социальнай-экономическэй өттүнэн кэлимник сайдарыгар сөптөөх усулуобуйаны тэрийэргэ туһаайылар диэн урут да этэн турар.

Сокуон барылын балаһыанньаларын сүрүн чааһа олоххо 2023 сыл тохсунньу 1 күнүттэн киллэриллиэҕэ. 2028 сыл тохсуньу 1 күнүгэр диэри дойду олохтоох салайыныы биир таһымыгар сыыйа киллэриллиэхтээх, онон бу кэм көһүү түһүмэҕэ буролар. Маны таһынан муниципальнай тэриллии баһылыга уонна олохтоох дьаһалта салайааччыта бэриллибит боломуочуйаларын толорботох түбэлтэлэригэр субъект баһылыга кинилэргэ сэрэтии биитэр быыгабар биэрэр бырааптаах.

Сокуон барылын быһыытынан, бэрэстэбиитэллээх уорган састаабыттан талыллыбыт муниципальнай тэриллии баһылыгын боломуочуйатын болдьоҕо уонна бэрэстэбиитэллээх уорган бэрэссэдээтэлин боломуочуйатын болдьоҕо тэҥнэр. Бэрэстэбиитэллээх уорган боломуочуйатын болдьоҕун иннинэ тохтотор түбэлтэтигэр, муниципальнай тэриллии баһылыга боломуочуйата эмиэ болдьоҕун иннинэ тохтотуллар. Аһаҕас былаас кэлим тиһигин принцибигэр сөп түбэһиннэрэн, олохтоох дьаһалта баһылыга Арассыыйа Федерациятын субъегын судаарыстыбаннай дуоһунаһын сэргэ муниципальнай дуоһунаһы эмиэ сүгэр.

  • 0
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением