– Ойуур баһаардарын кэмигэр дьоммут-сэргэбит туора туран хаалбакка, уоту кытары охсуһууга бары тахсан үлэлэстилэр. Атырдьах ыйыгар Бэс Күөлүгэр ойуур баһаарыгар 32 дьиэ уокка былдьаммыта. Кылгас кэм иһигэр 34 толору хааччыллыылаах олорор дьиэ, 9 хотон, ол иһигэр 100 сүөһү киирэр улахан хотоно тутулуннулар. Ону сэргэ гаас, уот ситимнэрэ, оптоволокно оҥоһулунна. РФ Бэрэсидьиэнэ Владимир Путин этиитинэн, Бэс Күөлүгэр 2022 сылга саҥа оскуола тутуута саҕаланыаҕа. Ону таһынан нэһилиэккэ култуурунай-сынньалаҥ киинэ баар буолуоҕа. Бөһүөлэги чөлүгэр түһэриигэ «АЛРОСА» хампаанньа 200 мөл. солк. ыыппыта, ону сэргэ «ТаасЮрях-Нефтегазодобыча», «Полюс Алдан» хампаанньалар, биирдиилээн тэрилтэлэр көмөлөстүлэр. 2022 сылга ойууру баһаартан харыстааһыҥҥа 1,6 мөл. солк. ыытыллыаҕа. Ойууру баһаартан харыстыыр систиэмэни төрдүттэн уларытыахпытын наада. Урукку курдук хас биирдии баһаарга эппиэттээх тэрилтэ бэйэтин бэйэтигэр сылдьара тохтуохтаах. Ити айылҕа харыстабылын саҥа миниистиригэр сүрүн сыал-сорук буолуоҕа. Саха сирин айылҕатын харыстааһыҥҥа, ойууру чөлүгэр түһэриигэ биир кэлимник үлэлиир бырагырааманы оҥорорбутугар эрэнэбин, - диэн бэлиэтиир Айсен Николаев.
-
0
-
0
-
0
-
0
-
0
-
0
