2020 сыл кулун тутар ыйыгар Саха сирин улуустарын дьокутаттарын Сэбиэттэрин II Съеһэ былааннаммыта. Съезкэ тэрээһин үлэтэ бүтүннүү оҥоһуллубута: тэрийэр кэмитиэттэр 4 төгүл мунньахтаабыттара, улуустартан 500 дьокутаат, атын эрэгийиэннэр парламеннарыттан, министиэристибэлэриттэн, тэрилтэлэриттэн бэрэстэбиитэллэр, РФ Госдуматын дьокутааттара, Федерация Сэбиэтин чилиэттэрэ, эспиэрдэр, барыта холбоон 100 ыалдьыт ыҥырыллыбыттара. Ол гынан баран, коронавирус дьаҥа тарҕанан, съезд тохтотуллубута.
Олунньу 15-19 күннэригэр норуот дьокутааттара Хаҥалас уонна Өлүөхүмэ улуустарыгар үлэлээбиттэрэ. Парламентарийдар айаннарын кэмигэр Хаҥалас улууһун 8 нэһилиэгэр уонна Өлүөхүмэ улууһун 6 нэһилиэгэр сылдьыбыттара, олохтоохтору кытта сирэй көрсүбүттэрэ, оҥорор таһаарар уонна социальнай-култуурунай эбийиэктэри көрбүттэрэ.
Олунньуга СӨ улуустарын быыбарданар уорганнарын Сэбиэтэ уонна Уус Дьааҥы улууһун дьокутааттарын Сэбиэтэ Уус Дьааҥы улууһун нэһилиэктэрин баһылыктарыгар уонна дьокутааттарыгар анал сэминээр ыыппыттара. Тэрээһин кыттыылаахтара улуус социальнай-экэнэмиичэскэй сайдыытын боппуруостарын дьүүллэспиттэрэ уонна олохтоох бэйэни салайыныы боломуочуйаларын толоруу хайысхатынан уопут атастаспыттара.
Кулун тутарга СӨ муниципальнай тэриллиилэрин дьокутааттарын Сэбиэтин Ассоциациятын мунньаҕа буолан ааспыта.
Кулун тутар 13 күнүгэр “Ил Түмэн” Судаарыстыбаннай Мунньаҕын дьокутааттара Үөһээ Бүлүү улууһун дэлэгээссийэтин кытта көрсүбүттэрэ, улуус социальнай-экэнэмиичэскэй сайдыытын боппуруостарын дьүүллэспиттэрэ.
Муус устар 6 күнүгэр “Ил Түмэн” Судаарыстыбаннай Мунньаҕын иһинэн үлэлиир улуустар быыбарданар уорганнарын Сэбиэтин мунньаҕа буолбута. Мунньахха норуот дьокутааттара уонна 35 улуус быыбарданар уорганнарын салайааччылара кыттыыны ылбыттара.
“Ил Түмэн” Судаарыстыбаннай Мунньаҕын информационнай-аналитическай салалтатын аппараатын матырыйаалыттан.
-
0
-
0
-
0
-
0
-
0
-
0
