Медицинскэй мааскалары Кореяттан профессор, Саха Өрөспүүбүлүкэтин Музыка үрдүкү оскуолатын ректорын солбуйааччы, тойон Но Тэ Чоль тус бэйэтинэн аҕалла. Мааскалары үөрэх уонна эмп тэрилтэлэригэр, ону сэргэ «Антирак: поддержка выживших» общественнай тэрилтэҕэ тиксэрдилэр.
Парламеннар хардарыта бииргэ үлэлэһии меморандумун былырыын бэс ыйыгар Саха Өрөспүүбүлүкэтин Ил Түмэнин бастакы вице-спикерэ Александр Жирков уонна Корея Өрөспүүбүлүкэтин Кёнсанбук-до провинциятын парламенын бэрэссэдээтэлэ Чан Гён Сик түһэрсибиттэрэ.
Корея парламена быйыл хаһыс да төгүлүн оҥорор гуманитарнай көмөтө икки дойду парламентарийдарын хардарыта туһалаах бииргэ үлэлэрин биир бэлиэ хайысхата буолла. Бу да сырыыга кэлбит көмө Александр Жирков дьаһалынан эмп уонна үөрэх тэрилтэлэригэр тарҕатылынна.
Сергей Васильев
-
0
-
0
-
0
-
0
-
0
-
0
