От ыйын 29 күнүгэр Москубаҕа Уһук Илин социальнай-экэнэмиичэскэй сайдыытын боппуруостарыгар анаммыт Бырабыыталыстыба хамыыһыйатын президиумун мунньаҕа былырыын ойуур баһаарыттан эмсэҕэлээбит Атамай нэһилиэгин Бэс Күөлүгэр Сынньалаҥ киинин тутууга биир кэлим субсидияны көрүүнү бигэргэттэ. Онон бу бырайыакка 430 мөл солк., ол иһигэр федеральнай бүддьүөттэн биир кэлим субсидия быһыытынан 395 мөл. солк. көрүллүөҕэ, итинтэн 100 мөлүйүөнэ быйыл бэриллиэҕэ.
Бэс Күөлүгэр социальнай эбийиэктэри, ол иһигэр Сынньалаҥ киинин, тутуу бырайыага Владимир Путин былырыын, атырдьах ыйын 16 күнүгэр биэрбит сорудаҕынан оҥоһуллубута. Быйыл сайын манна 150 миэстэлээх оскуола тутуута саҕаланна.
Биир кэлим субсидия чэрчитинэн быйыл өрөспүүбүлүкэҕэ 1 млрд солк. харчы кэлбитэ. Ил Дархан субсидия көрүллүүтүн кэҥэтэн, 2022-2025 сс. социальнай сайдыы былааныгар Атамайга Сынньалаҥ киинин, Нерюнгрига доруобуйа харыстабылын эбийиэктэрин, Черскэйгэ балыыһа комплексын тутууларын киллэрэр итиэннэ «Үлэ кыбаартала» кластерга эбии үбүлээһини көрөр туһунан этиилэрин Юрий Трутнев от ыйын 20-22 күннэригэр кэлэ сылдьан өйөөбүтэ. Бу туһунан Ил Дархан уонна Бырабыыталыстыба пресс-киинэ иһитиннэрэр.
-
0
-
0
-
0
-
0
-
0
-
0
