Издательский дом Редакция Подписка
Погода в Якутске: . -11 oC

Бу туһунан Владимир Путин алтынньы 12 күнүгэр ыытыллыбыт Арассыыйатааҕы энергетическэй нэдиэлэ пленарнай мунньаҕар эппитин Ил Дархан Айсен Николаев иһитиннэрдэ:

Бу туһунан Владимир Путин алтынньы 12 күнүгэр ыытыллыбыт Арассыыйатааҕы энергетическэй нэдиэлэ пленарнай мунньаҕар эппитин Ил Дархан Айсен Николаев иһитиннэрдэ:

– Владимир Путин социальнай гаастаһын бырагырааматын салгыы үлэлэтэргэ сорудахтаата. Бу бырагыраама чэрчитинэн, алтынньы саҕаланыытыгар дойду үрдүнэн 300 тыһыынчаттан тахса дьиэҕэ гаас ситимэ тиэрдиллибит буоллаҕына, Саха сиригэр 3 169 дьиэҕэ гаас киирдэ. Владимир Владимирович маны таһынан эрэгийиэннэр былаастара кыра дохуоттаах ыаллар гаас тэрилин атыылаһалларын субсидиялыырга 100 тыһ. солк. харчыны көрөллөрүгэр эттэ. Биһиги өрөспүүбүлүкэбитигэр бу хайысханан 150 тыһ. солк. көмө көрүллэр. Бу өйөбүлү биһиги салгыахпыт, — диэтэ Айсен Николаев.

Владимир Путин пленарнай мунньахха социальнай гаастааһын бырагырааматыгар оскуолалар эмиэ хабыллалларын туһунан эппит. Бырабыыталыстыба Газпрому кытары маннык көмөнү медицина тэрилтэлэригэр – поликлиникаларга, балыыһаларга, ФАП-тарга – көрөр ырычааҕы оҥороллоругар сорудахтаабыт. Онон, нэһилиэнньэлээх пууннар социальнай эбийиэктэрэ дьоҕус сыаналаах, экология өттүнэн ыраас энергиянан хааччыллар буоллулар, ити тыа сиригэр улахан суолталаах.

Салгыы Владимир Владимирович Арассыыйа бэйэтигэр хоромньулааҕы хаһан да оҥостуо суоҕа уонна ньиэп сыанатыгар хааччахтааһыны киллэрбит дойдуларга энергоресурсалары биэриэ суоҕа, дойду энергия өттүгэр куттал суох буолуутун хаачыйарга 2025 сылга диэри энергетика оборудованиетын 80 %-на Арассыыйаҕа оҥоһуллуоҕа диэтэ. Бу туһунан Ил Дархан уонна Бырабыыталыстыба пресс-киинэ иһитиннэрэр.

  • 0
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением