Өрөспүүбүлүкэ 17 муниципальнай тэриллиитигэр үлэлиир биисинэс-инкубатордар саҥа саҕалаан эрэр урбаанньыттарга күүс-көмө буолаллар. Биисинэс-инкубатор резиденнэрин ахсаана 299-ка тэҥнэспит, ол 2024 сылга тэҥнээтэххэ, 104 резиденинэн элбэх.
2025 сылга резидент-тэрилтэлэр барыстара 2024 с. тэҥнээтэххэ, 32,7 % үрдээн, 426 мөл. солкуобайга тэҥнэспит. «Мин биисинэһим» киин дьоҕус уонна орто урбаан субъектарыгар 24 тыһыынчаттан тахса сүбэ-ама биэрэр өҥөнү оҥорбут, 6 000 киһини хабан, 500-тэн тахса тэрээһин ыытыллыбыт.
«Урбаанньыт ийэ», «Урбаанньыт аҕа», «Улахан дьиэ кэргэн дьоҕус биисинэһэ», оскуола оҕолоругар «Урбаан олимпиадата», «СВОй бизнес» курдук бөдөҥ үөрэх бырайыактара тэриллибиттэрэ. Ону таһынан, Чурапчы уонна Сунтаар улуустарыгар урбаанньыттар пуорумнара ыытыллыбыта.
Былырыын «Мин биисинэһим» киин РФ Экэниэмикэни сайыннарыыга министиэристибэтэ олохтообут «Мин биисинэһим» Бүтүн Арассыыйатааҕы күрэххэ «Урбааны сайыннарыыга бастыҥ экотиһик» түһүмэх кыайыылааҕа буолбута. Ити бириэмийэни биэрэргэ Саха Сирин олохтоох оҥорон таһаарааччыларын «Сделановякутии.рф» былаһааккаларын үрдүктүк сыаналаабыттара. Бу маркетплейс көмөтүнэн олохтоох урбаанньыттар, уустар, иистэнньэҥнэр, аһы-үөлү оҥорооччулар бэйэлэрин бородууксуйаларын атыыга босхо таһаараллар, саҥа килийиэннэри булаллар, тус кэбиниэт нөҥүө сакаас ылар кыахтаннылар. Олохтоох оҥорон таһаарааччылары өйүүр сыалтан, Ozon, Wildberries былаһааккаларыгар «Саха сиригэр оҥоһуллубут» эрэгийиэннээҕи витрина арылынна.
Хаартыска: «Мин биисинэһим» киин архыыбыттан.
-
0
-
0
-
0
-
0
-
0
-
0
