Манна икки күн иһигэр 9 тыһыынчаттан тахса киһи кэллэ. Маннык көрдөрүү күннэрэ балаҕан ыйын 9 күнүгэр эмиэ салҕаннылар.
Тэрийээччилэр этэллэринэн, Владивосток олохтоохторо уонна ыалдьыттара, Уһук Илиҥҥи федеральнай үнүбэрсиэт устудьуоннара павильон киин фигураларын көрөөрү уочарат буолла.
“Саха сирэ үбүлүөйдээх Илиҥҥи Х экэнэмиичэскэй пуорумҥа Яна мамонт оҕотун аҕаларын туһунан тэлэбиисэргэ истэн баран, дьиэ кэргэнинэн павильоҥҥа кэлэргэ үөрэ-көтө быһаарыммыппыт. Саха сирин дьикти эйгэтигэр киирэр олус кэрэхсэбиллээх этэ”, — диэн кыттааччылар санааларын үллэстэллэр.
Мамонт оҕотун этин 2024 сыл бэс ыйыгар Батагайка термокарстовай аҥхайга булбуттара. Кулун тутар 27 күнүгэр Хотугулуу-Илиҥҥи федеральнай университекка буолбут норуоттар икки ардыларынааҕы билим сэминээригэр учуонайдар мамонт оҕотун этин арыйбыттара. Билиҥҥи барыллааһын быһыытынан, Яна урут булуллубут алта мамонт оҕолоруттан саамай былыргылара.
Ону таһынан павильоҥҥа Саха Сирин инбэстииссийэҕэ уонна туризмҥа кыахтарын, инновация баай бырайыактарын уонна култуура нэһилиэстибэлэрин көрдөрөр хас да секторга араарыллыбыт экспозиция турда.
Саха сирин павильонугар
«Селигдар» ПАО, “Саха сирин тимир суоллара” АУо, “РИК Плюс” АУо, СӨ инновация сайдыытын пуондата, «АрктикТелеком» АУо, «Прогноз» АУо, «Алмазэргиэнбанк» АУо, «Сахатранснефтегаз» АУо, «Звезда» АУо, «Комдрагметалл РС(Я)» АУо, Андрей Мельниченко аһымал пуондата бииргэ үлэлэстилэр диэн бары саайтарга кэрэхсиир санаалаах информация тахсар.
Хаартыска sakhagov.ru саайтан
-
3
-
0
-
0
-
0
-
0
-
0
